კანონპროექტები, რომლებიც უკავშირდება განათლების, მეცნიერების, კულტურისა და სპორტის სამინისტროს გაყოფას და შესაბამისად, კულტურის სამინისტროს შექმნას, რამდენადაც ჩემთვის ცნობილია, ბიუროს დღევანდელ სხდომაზე იქნება განხილული, – განაცხადა პარლამენტის ადამიანის უფლებათა დაცვის კომიტეტის თავმჯდომარემ, მიხეილ სარჯველაძემ და დაამატა, რომ თეა წულუკიანის კულტურის მინისტრის თანამდებობაზე შესაძლო დანიშვნით კულტურის სფეროს საქართველოში დიდი პერსპექტივა გაუჩნდება.

„ერთი, რაც შემიძლია ვთქვა, ნამდვილად დიდი პერსპექტივა გაუჩნდება კულტურას საქართველოში, რადგან ვთვლი, რომ ის არის საუკეთესო კანდიდატი, რომელსაც შეუძლია, ნებისმიერ სფეროში ძალიან დიდი წარმატება განაპირობოს“, – აღნიშნა მიხეილ სარჯველაძემ.