თბილისში, წერეთლის გამზირისა და სავაჭრო ცენტრ „მეგალაინის“ მიმდებარე ტერიტორიაზე გაჩენილი ხანძარი ლიკვიდირებულია.

თბილისის მთავარი სამმართველოს უფროსის, ოთარ კერესელიძის განცხადებით, არსებობდა სასაწყობე ფართიდან ხანძრის გავრცელების საფრთხე, თუმცა დროულად მოხდა რეაგირება.

„მეგალაინის“ მიმდებარე ტერიტორიაზე, კერესელიძის 2 ნომერში ხანძარი გაუჩნდა სასაწყობე ფართს, კვადრატულობა დგინდება. ადგილზე ოპერატიულად იქნა მობილიზებული შვიდი სახანძრო ავტოცისტერნა. არსებობდა ხანძრის გავრცელების საფრთხე, თუმცა დროული რეაგირებით მოხდა ხანძრის ლოკალიზება“, – განაცხადა ოთარ კერესელიძემ.

მისივე თქმით, შემთხვევეის შედეგად მსუბუქად დაშავდა ერთი მოქალაქე.

„მსუბუქად დაშავდა ერთი მოქალაქე, რომელმაც ხელზე მიიღო მცირედი დამწვრობა. გარე ტერიტორიაზე იმყოფებოდა, მანქანა გარეთ ეყენა და გადაყენების დროს მიიღო დაზიანება. ეს ტერიტორია არ ეკუთვნის „მეგალაინს“, არის კერძო შპს. ხანძრის გამომწვევი მიზეზები ამ დროისათვის უცნობია. სარდაფში ინახებოდა შერეული საქონელი და ნაწილი დაიწვა“, – განაცხადა ოთარ კერესელიძემ.