ნიკა მელიასთვის სადეპუტატო უფლებამოსილების შეწყვეტას მხარს არ დავუჭერთ, მაგრამ ცოტა პარადოქსული სიტუაცია არის, რადგან ნიკა მელიას განცხადება პარლამენტში მაგიდაზე დევს და იმუნიტეტის მოხსნა, ერთმანეთთან გაუგებარია, – განაცხადა „ევროპელი სოციალისტების“ დეპუტატმა, დავით ზილფიმიანმა.

„დასჯაზე არ ვსაუბრობ, მაგრამ იქნებ, რაიმე ფორმის გამონახვა იყო შესაძლებელი და გირაოს შეტანა მომხდარიყო. ამ საკითხს დაარეგულირებდა. ბევრი პარადოქსია – გირაო არ შედის, მეორე მხრივ, უფლებამოსილების შეწყვეტა არ გვინდა და თან იმუნიტეტის შეწყვეტაზე განცხადება დაწერილი აქვს. ჩემთვის ბევრი რამე გაუგებარია“, – განაცხადა ზილფიმიანმა და დაამატა, რომ კანონის წინაშე ყველა თანასწორია..

საქართველოს გენერალურმა პროკურატურამ ნიკა მელიასთვის აღკვეთის ღონისძიებად პატიმრობის გამოყენებასთან დაკავშირებით პარლამენტს დღეს მიმართა.