„ევროპული საქართველოს“ ერთ-ერთმა ლიდერმა, გიგა ბოკერიამ „ლეიბორისტული პარტიის“ ოფისში შეხვედრის დაწყებამდე განაცხადა, რომ ხელისუფლებამ უნდა შეწყვიტოს პოლიტიკური დევნა, „მათ შორის უტიფარი და გამჭვირვალე ფორმით. მელია არსად არ გარბის, რა გირაოა საჭირო“.

„ოღონდ წავიდეს მელია და სიამოვნებით გაუშვებენ. მთელი ეს საქმე შეკერილია. თავადაც ყველამ იცის და ამიტომ, თვითონ მოიქციეს ამ კუთხეში თავი. თუ ამ ნაბიჯს გადადგამენ და ყველაზე მსხვილი ოპოზიციური პარტიის ლიდერს დააკავებენ ამ აბსურდული ბრალდებით, ეს პოლარიზაციას კი არ შეამცირებს, არამედ ბრაზს გაასმაგებს. საპროტესტო აქციები ყველა შემთხვევაში გარდაუვალია. თუ დააკავებენ, ამ გეგმაში შევა მნიშვნელოვანი ცვლილებები“, – განაცხადა გიგა ბოკერიამ.