პრემიერ-მინისტრის განცხადებით, ის, რაც ხდება "რუსთავი 2"-თან დაკავშირებით, ამაში მთავრობის ჩართულობა არის აბსოლუტურად გამორიცხული, - ამის შესახებ ირაკლი ღარიბაშვილმა მთავრობის სხდომაზე განაცხადა.
"ჩვენთვის მთავარი პრინციპი არ იცვლება, ეს არის მედიის თავისუფლება. ის, რაც ხდება "რუსთავი 2"-თან დაკავშირებით, კიდევ ერთხელ მინდა საჯაროდ დავაფიქსირო, რომ ამაში მთავრობის ჩართულობა არის აბსოლუტურად გამორიცხული. ეს არის კერძო დავა ორ სუბიექტს შორის, სააკაშვილსა და ქიბარ ხალვაშს შორის", - განაცხადა ღარიბაშვილმა.
მისივე თქმით, ქიბარ ხალვაშმა 3 წლის განმავლობაში ვერ მიაღწია მის მთავრობასთან სამართალს, ვერ აღიდგინა დარღვეული უფლებები, ვერ დაიბრუნა წართმეული ქონება.
"იმიტომ, რომ ჩვენ ასე მიგვაჩნდა და მიგვაჩნია ხელისუფლების ჩარევა ნებისმიერი ფორმით ისეთ საკითხებში, რომელიც უკავშირდება მედიის საქმიანობას, არის ყოვლად მიუღებელი. სწორედ ამიტომ მე კიდევ ერთხელ ვაფიქსირებ ჩვენი მთავრობის პოზიციას, რომ ჩვენი ჩართულობა ამ საქმეში არის აბსოლუტურად გამორიცხული", - განაცხადა ღარიბაშვილმა.
მისივე თქმით, ის მოუწოდებს ყველას, რომ დამოუკიდებელ, თავისუფალ სასამართლოს უნდა მიეცეს საშუალება მიიღოს ობიექტური გადაწყვეტილება და ამის შემდეგ მხარეებს ექნებათ საშუალება და უფლება, რომ საქმე ბოლომდე მიიყვანონ.
"ჩვენ ვუზრუნველვყობთ მშვიდ და სტაბილურ გარემოს ყველგან და არც ერთ მხარეს არ მივცემთ რაიმე პროვოკაციის საშუალებას", - განაცხადა პრემიერ-მინისტრმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.