ნიკა მელიასთვის აღკვეთის ღონისძიების სახით პატიმრობის მისჯის საკითხზე კომენტირებისას „ლეიბორისტული პარტიის“ თავმჯდომარემ, შალვა ნათელაშვილმა „მთავარი არხის“ პირდაპირ ეთერში თქვა, რომ მომავალ დაბადების დღეს ბიძინა ივანიშვილი „აუცილებლად ციხეში იქნება“.

„რას წარმოვიდგენდი, რომ ჩემს დაბადების დღეს აღვნიშნავდი „ნაციონალური მოძრაობის“ ოფისში, ნაცმოძრაობის“ ლიდერის მხარდასაჭერად, ბიძინას დაბადების დღეს კი, უკვე მომდევნო დაბადების დღეზე შევხვდებით მის გარეშე, ანუ ის პოლიტიკაში არ იქნება, ის იქნება ციხეში, აუცილებლად. როგორც წესი, რეჟიმი, რომელიც იწყებს დაჭერებს, მერე თვითონ ვარდება ციხეში, დამხობის შემდეგ“, განაცხადა ნათელაშვილმა.

იგი მიიჩნევს, რომ ნიკა მელიასთვის პატიმრობის განაჩენის გამოტანა „მხოლოდ და მხოლოდ ივანიშვილის პირადი განკარგულებაა“.

„მან დატოვა თავისი მონათა სპა, შეძვრა ბუჩქებში დ ახლა ცდილობს, ყველას გაუსწოროს ანგარიში, ვითომ პოლიტიკიდან წასულმა და სინამდვილეში, ის დღეს ყველაზე მეტადაა პოლიტიკაში, ვიდრე ოდესმე ყოფილა, ოღონდ პოლიტიკაში, ამ ბინძური, სადისტური, ამ ანტიეროვნული საქმეებისათვის, იმ საქმისთვის, რომ გაასამართლოს ქართველი ერი - ოკუპაციის წინააღმდეგ ამხედრებული და ეს არ გამოუვა, ეს მცდელობა თავიდანვე ჩაფუშულია, განწირულია და ჩვენ ძალიან მალე ვნახავთ ბიძინა ივანიშვილს ზოლიან ტანსაცმელში, თუმცა ზოლიანი ტანსაცმელი ციხეშიც არის და ფსიქიატრიულშიც და შეიძლება ორივეგან მოუწიოს ყოფნა“, განაცხადა ნათელაშვილმა.