მესტიის მუნიციპალიტეტის ლატალის თემში 2020 წლის 14 ნოემბერს ჩამოყალიბდა ორგანიზაცია „ლატლიიშდ“. ორგანიზაციის მიზანია ლატალის თემის განვითარება და ამ პროცესებში ქალების აქტიურობის გაზრდა.

ასევე, მესტიის მერიასთან მჭიდრო კომუნიკაციით და თანამშრომლობით თემში არსებული პრობლემების პრევენციისთვის გამოიყენოს ყველა რესურსი, რაც მათ გააჩნიათ, ეს არის მათი თემის დიდი სიყვარული, მენეჯმენტის კარგი უნარი და მათი განათლების მაღალი დონე.

ამ მოკლე ხანში ორგანიზაციის წევრებმა, რომელიც შედგება ხუთი ადამიანისაგან, უკვე 65 ოჯახს გაუწია სხვადასხვა სახის დახმარება (ფულადი და პროდუქტების სახით). აღსანიშნავია, რომ მათ ეს ფინანსური უზრუნველყოფა, რომლითაც ხალხს ეხმარებიან მხოლოდ მათი ენთუზიაზმით და მეგობრების შემოწირულობით მოახერხეს. გარდა ამისა, ორგანიზაცია „ლატლიიშდ“-ის გუნდმა მიიღო მონაწილეობა #Care Austria და PMC Reaserch Groupis-ის მიერ განხორციელებულ პროექტში EMPARD Mestia და წარადგინა პროექტი სახელწოდებით „აქტიური ქალები და საზოგადოება“. პროექტმა მოიპოვა დაფინანსება.

პროექტი ითვალისწინებს სოფელ ლატალში სოციალური საწარმოს გახსნას, სადაც დასაქმდება 10 ქალი, მათ შორის სოციალურად დაუცველები და შშმ პირები. ისინი იმუშავებენ შემდეგ დისციპლინებზე :

თექა

სვანური ქუდების წარმოება

სვანური საპნის წარმოება

კერვა

ქარგვა

ორგნიზაცია „ლატლიიშდ“ მადლობას უხდის #care Austria და #PMC Reaserch Group-ს და ზემო სვანეთის ადგილობრივი განვითარების ჯგუფს - LAG-ს და მესტიის მუნიციპალიტეტის მერიას ფინანსური და მორალური მხარდაჭერისთვის.

საწარმოს რეაბილიტაცია მალე დასრულდება. აღნიშნულ ობიექტზე დასაქმდება 10 ქალი, რაც არამარტო თემისთვის, არამედ რეგიონისთვის იქნება ერთ-ერთი სასიკეთო საქმე.

ინფორმაციას მესტიის მუნიციპალიტეტის მერიის პრესსამსახური ავრცელებს.