ნინოწმინდის მოსახლეობისთვის ამომწურავი ინფორმაციის მიწოდების მიზნით, მუნიციპალიტეტის მერი ანი მოსოიანი ადმინისტრაციულ ერთეულებში მერის წარმომადგენლებს შეხვდა, სადაც მათ დეტალურად გააცნო ინფორმაცია იმის შესახებ თუ რას ითვალისწინებს საქართველოს მოქალაქეებისთვის პროგრამა, რომელიც გერმანიაში, სოფლის მეურნეობის დარგში სეზონურ სამუშაოებზე ლეგალურად დასაქმების საშუალებას იძლევა.

კერძოდ, დასაქმების მსურველი უნდა აკმაყოფილებდეს შემდეგ მოთხოვნებს - უნდა იყოს:

- 18 წლიდან 60 წლამდე ასაკის საქართველოს მოქალაქე;

გერმანიაში გამგზავრებამდე 3 თვით ადრე პერიოდში არ უმოგზაურია შენგენის სივრცეში;

- ფიზიკური ჯანმრთელობა;

- მოსავლის აღების სამუშაო გამოცდილება და მოტივაცია;

- ნებისმიერი მიზეზის (დარღვევის) არარსებობა, რაც იწვევს ქვეყანაში ხელახლა შესვლის შეზღუდვას;

- გერმანული ან ინგლისური ენის ელემენტარულ საკომუნიკაციო დონეზე ცოდნა (ჯგუფურად დასაქმების შემთხვევაში, აუცილებელია, მინიმუმ ერთ წევრს შეეძლოს გერმანულ ან ინგლისურ ენაზე კომუნიკაცია). რეგისტრაცია შესაძლებელია მთელი წლის განმავლობაში პორტალზე: https://workabroad.moh.gov.ge/ 

დროებითი სეზონური დასაქმება საქართველოსა და გერმანიას შორის დადებული შეთანხმების ფარგლებში ხორციელდება.