სახელმწიფო კანცელარიასთნ ოპოზიციური პარტიების მიერ მოწყობილ აქციაზე, სადაც „ნაციონალური მოძრაობის“ თავმჯდომარის, ნიკა მელიას დაკავებას აპროტესტებენ, „დემოკრატიული მოძრაობის“ ლიდერმა ნინო ბურჯანაძემ შეკრებილებს მთავრობის წევრების კაბინეტებიდან გამოყრისკენ მოუწოდა, თუმცა დააზუსტა, რომ ეს კონსტიტუციური გზით უნდა მოხდეს.

„ვყოფილვართ სხვადასხვა კაბინეტებში, კანცელარიაშიც და პარლამენტშიც და არაფერი მუდმივი არ არის, არაფერი, უბრალოდ, ყველაფერი უნდა გააკეთო იმისათვის, რომ ღირსეულად ჩამოხვიდე იმ კაბინეტებიდან და იმ სართულებიდან, სადაც ხარ და ამას ეს ხელისუფლება ვერ შეძლებს. ამიტომ, დიახ, ჩვენ ვიბრძოლებთ თქვენთან ერთად, შეუპოვრად, რომ ეს ადამიანები, მშვიდობიანად, მაგრამ ვიტყვი ამ სიტყვას, კონსტიტუციური მეთოდებით, მაგრამ, გამოვყაროთ ამ კაბინეტებიდან, არჩევნების შედეგად, მაგრამ გამოვყაროთ და აუცილებლად გამოვყრით, იმიტომ, რომ ამ ხელისუფლებას უნდა საქართველოს დაჩოქება. ამ ხელისუფლებას, განსაკუთრებით დღევანდელი დღის შემდეგ არ აქვს მორლაური უფლება, რომ ამ ქვეყანაში მმართველად დარჩეს“, განაცხადა ნინო ბურჯანაძემ.