შპს „სახელმწიფო კვებითი უზრუნველყოფის“ კომპანია, რომელიც სამხედრო მოსამსახურეთათვის მაღალი ხარისხის პროდუქციის უზრუნველყოფას ახორციელებს, ღორის ხორცის შესყიდვის მიზნით გამოცხადებულ კონსოლიდირებულ ტენდერში გამარჯვებულ შპს „ნიმა“-ს, რომელმაც ვერ უზრუნველყო ხელშეკრულებით გათვალისწინებული ვალდებულებების დაკმაყოფილება, ხელშეკრულებას შეუწყვეტს.

აღნიშნულის შესახებ ინფორმაციას „სახელმწიფო კვებითი უზრუნველყოფის“ კომპანია ავრცელებს.

„შპს „სახელმწიფო კვებითი უზრუნველყოფის“ კომპანია სამხედრო მოსამსახურეთათვის მაღალი ხარისხის პროდუქციის უზრუნველყოფის მიზნით აგრძელებს მკაცრი კონტროლისა და დარღვევებზე ადეკვატური რეაგირების პოლიტიკას.

ამ პოლიტიკის ფარგლებში, ტარდება სხვადასხვა ღონისძიებები, რაც უზრუნველყოფს დარღვევების უსწრაფეს გამოვლენასა და მათზე სათანადო რეაგირებას.

სსიპ „სახელმწიფო შესყიდვების სააგენტო“-ს მიერ ღორის ხორცის შესყიდვის მიზნით გამოცხადებულ კონსოლიდირებულ ტენდერში გამარჯვებულად გამოვლინდა შპს „ნიმა“, რის შემდეგაც აღნიშნულ კომპანიასთან გაფორმდა შესაბამისი ხელშეკრულება. კომპანიამ ვერ უზრუნველყო ხელშეკრულებით გათვალისწინებული ვალდებულებების დაკმაყოფილება, რის შემდეგადაც, შპს „სახელმწიფო კვებითი უზრუნველყოფის“ მიერ წერილით მიემართა სსიპ „სახელმწიფო შესყიდვების სააგენტო“-ს კონსოლიდირებული ტენდერის ფარგლებში გაფორმებული ხელშეკრულების შეწყვეტის მოთხოვნით.

მოცემული განცხადება წარმოადგენს „სახელმწიფო კვებითი უზრუნველყოფის“ პოლიტიკის გაგრძელებას, გამჭვირვალობისა და ანგარიშვალდებულების პრინციპების დაცვით, ყველა ტენდერთან და მასთან დაკავშირებულ დარღვევებზე, უზრუნველყოს ჯეროვანი საჯარო და პროაქტიური კომუნიკაცია, რათა არ მოხდეს ფაქტებით მანიპულაცია და საზოგადოებაში დეზინფორმაციის გავრცელება“, ნათქვამია კომპანიის განცხადებაში.