(GUARDIAN.GE) - მარნეულის მუნიციპალიტეტის სოფელ ულაშლოს საჯარო სკოლის პედაგოგებმა და ადმინისტრაციის თანამშრომლებმა - სულ 24-მა პირმა -კორონავირუსზე სავალდებულო ტესტირება გაიარეს და არც ერთ მათგანს არ დაუდასტურდა ვირუსი. აღნიშნულის შესახებ GUARDIAN.GE-ის სკოლის დირექტორმა, ახმედ გაჯიევმა განუცხადა.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლის დირექტორი ახმედ გაჯიევი)

მისი ინფორმაციით, სკოლაში დასაქმებული პირები მორიგ ტესტირებას მარნეულში მომავალ კვირას გაივლიან და ტესტირება ყოველ 2 კვირაში, ეტაპობრივად ჩატარდება.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლის პედაგოგები)

ახმედ გაჯიევის განცხადებით, ამჟამად სკოლაში ყველა პირობაა შექმნილი სასწავლო პროცესის ნორმალურად წარმართვისთვის, თუმცა სასურველი იქნებოდა სახელმწიფოს მათთვის ახალი სკოლა აეშენებინა, რადგან არსებული შენობა-ნაგებობა საკმაოდ ძველია და თან მოსწავლეთა იმ რაოდენობას, რომელიც სკოლას სადღეისოდ ჰყავს, პანდემიის პერიოდში სათანადო დისტანციის დაცვით ვერ იტევს.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლის დირექტორი ახმედ გაჯიევი)

„თავადაც უყურებთ, რომ სკოლა ძველია, სარემონტოა, თუმცა, ვფიქრობთ, რომ ამ სკოლის რემონტს, აჯობებს ახლის აშენება. დაპირება არის, მაგრამ ჯერ მარნეულის სხვა სკოლებია სიაში, სადაც ამ მხრივ უფრო რთული მდგომარეობაა და ჯერ იქ უნდა აშენდეს და სავარაუდოდ, 3-4 წელიწადში ჩვენთვისაც მოიცლიან.

(GUARDIAN.GE-ის ფოტოზე მარცხნიდან მარჯვნივ: სიპ მარნეულის მუნიციპალიტეტის სოფელ ულაშლოს საჯარო სკოლის დირექტორი ახმედ გაჯიევი და მათემატიკის მასწავლებელი ელშად აბდალოვი)

„ჩვენ, ჩვენი მხრივ, მაქსიმუმს ვაკეთებთ, რაც შეგვიძლია, იმისათვის, რომ სასწავლო პროცესი გამართულად მიმდინარეობდეს. სკოლა უზრუნველყოფილია შეშით, ღუმელებით და ზამთრის პერიოდში გათბობის მხრივ პრობლემები არ გვაქვს. ამასთან, განათლების სამინისტრო გვეხმარება სადეზინფექციო საშუალებებით, რათა ჰიგიენის ნორმები მაქსიმალურად იყოს დაცული“, უთხრა GUARDIAN.GE-ის ულაშლოს აზერბაიჯანულენოვანი საჯარო სკოლის დირექტორმა, ახმედ გაჯიევმა.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლის დირექტორი - შუაში - და პედაგოგები)

იგი ამბობს, რომ მასწავლებლების და მოსწავლეების მოტივაციის უფრო მეტად ამაღლებისათვის უმჯობესი იქნებოდა თანამედროვე სტანდარტების სკოლა ჰქონოდათ.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლის ქართულის როგორც მეორე ენის დამხმარე მასწავლებელი ნოვრასტა მუსტაფაევი)

„კარგად მოწყობილ, გარემონტებულ სკოლაში, მოგეხსენებათ, მოტივაცია ყველას უფრო მეტი აქვს - მასწავლებელსაც და ბავშვსაც. განათლების და მეცნიერების სამინისტროს გაცხადებული აქვს თავისი პროგრამა, რომ რამდენიმე წელიწადში საქართველოს საჯარო სკოლების ინფრასტრუქტურა მთლიანად უნდა იყოს მოწესრიგებული. ბუნებრივია, ეს ჩვენც შეგვეხება.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლაში ქართულის როგორც მეორე ენის გაკვეთილზე მოსწავლეები)

„მოგეხსენებათ, პანდემიამ ყველა სფერო უკან დახია, მაგრამ საბედნიეროდ, განათლების სისტემაში მაინც უფრო ნორმალური ვითარებაა შენარჩუნებული. მართალია, გარკვეული პერიოდი საკლასო ოთახებში ვერ ვახერხებდით სწავლის პროცესის წარმართვას, მაგრამ ამას დისტანციურად ვაკეთებდით და არ ჩაგვიგდია სასწავლო პროცესი, თუმცა, ხაზგასმით მინდა ვთქვა, რომ საკლასო ოთახებში სწავლება გაცილებით ეფექტურია“, განუცხადა GUARDIAN.GE-ის ახმედ გაჯიევმა.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლაში ქართულის როგორც მეორე ენის გაკვეთილზე მოსწავლეები)

ულაშლოს საჯარო სკოლის დირექტორის თქმით, სკოლას რამდენიმე უფროსი მასწავლებელი ჰყავს, მაგრამ არიან ისეთებიც, რომელთაც საგანში გამოცდები წარმატებით ჩააბარეს, თუმცა პროფესიულ უნარებში წარუმატებლობა ჰქონდათ, რადგან ისინი ქართულ ენას ვერ ფლობენ.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლაში ქართულის როგორც მეორე ენის გაკვეთილზე მოსწავლეები)

„მოგეხსენებათ, პროფესიულ უნარებში გამოცდა მხოლოდ ქართულ ენაზე ბარდება. ჩვენმა ასაკოვანმა პედაგოგებმა კი, სამწუხაროდ, არ იციან ქართული ენა, რადგან საბჭოთა პერიოდში, თავადაც იცით, რომ არაქართულენოვან სკოლებში არ ისწავლებოდა სათანადოდ სახელმწიფო ენა და აქედან გამომდინარე, ასეთი რეალობის წინაშე ვდგავართ.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლაში ქართულის როგორც მეორე ენის გაკვეთილზე მოსწავლეები)

„არადა, ეს პედაგოგები - განაგრძობს გაჯიევი - პროფესიონალები არიან, რაც დაამტკიცეს თავიანთ საგნებში გამოცდების წარმატებით ჩაბარებით, მაგრამ ვერ ხდებიან უფროსი მასწავლებლები, რადგან სახელმწიფო ენის უცოდინარობის გამო ვერ აბარებენ გამოცდას უნარებში.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლის დირექტორი ახმედ გაჯიევი - ხელმარცხნივ და ქართულის როგორც მეორე ენის უფროსი კონსულტანტ-მასწავლებელი ბექა თოხშუა - ხელმარჯვნივ)
 

„პროფესიულ უნარებში რომ გამონაკლისის სახით აზერბაიჯანულ ენაზე დაეშვათ გამოცდები, ალბათ, არ იქნებოდა ურიგო, რადგან მოგეხსენებათ, უკვე ასაკში ენის საფუძვლიანად შესწავლა საკმაოდ რთულია. არადა, ასეთი პროფესიონალი პედაგოგები ამის გამო ვერ ახერხებენ უფროსი მასწავლებლის სტატუსის მოპოვებას. ამიტომ მათ, სხვებთან შედრაებით, ხელფასიც უფრო დაბალი აქვთ“, განუცხადა GUARDIAN.GE-ის ახმედ გაჯიევმა.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლის ქართულის როგორც მეორე ენის უფროსი მასწავლებელი საბუხი აბდულაევი გაკვეთილის ახსნისას)

მისი თქმით, ამჟამად აზერბაიჯანულენოვან სკოლებში ქართულის, როგორც მეორე ენის სწავლების დონე საკამოდ მაღალია და ულაშლოს სკოლას ჰყავს, როგორც უფროსი კონსულტანტი მასწავლებელი, ისე დამხმარე მასწავლებელიც.

„სკოლაში ქართული ენის კარგი პედაგოგები გვყავს. უკვე 2006-2007 წლებიდან ქართული ენის სწავლებას დიდი ყუარდღება ეთმობა და ამის შედეგია ის, რომ ბოლო წლებში ჩვენი სკოლებიდან ბავშვები თბილისის უმაღლეს სასწავლებლებში მიდიან, იქ აბარებენ გამოცდებს, სწავლობენ და წარმატებას აღწევენ.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლის ქართულის როგორც მეორე ენის უფროსი მასწავლებელი საბუხი აბდულაევი)

„მე, ჩემი თაობის მარნეულის რაიონში მცხოვრები აზერბაიჯანელებისაგან განსხვავებით, ერთ-ერთი გამონაკლისი ვარ იმ მხრივ, რომ ჯერ კიდევ 1975 წელს, თბილისში, მაშინდელი პუშკინის სახელობის პედაგოგიური ინსტიტუტი დავამთავრე და ქართული ენისადმი პატივისცემა ბავშვობიდან მომყვება.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლაში ქართულის როგორც მეორე ენის გაკვეთილზე მოსწავლეები)

„მაგრამ აქ საქმე რაშია იცით? ვერ გაამტყუნებ მაშინდელი თაობის ხალხს, რადგან თავად სახელმწიფო პოლიტიკა არ იყო სათანადო იმ მხრივ, რომ საქართველოში მცხოვრებ სხვა ერების წარმომადგენლებს სკოლებში ესწავლათ ქართული ენა. პრობლემას ისიც ართულებდა, რომ ჩვენ აქ კომპაქტურად ვცხოვრობთ და აზერბაიჯანულ ენაზე გვიწევს ურთიერთობა და ამიტომ ქართული არ იყო სათანადოდ დაფასებული, უფრო აზერბაიჯანული და შემდეგ რუსული ენა იყო პრიორიტეტული.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლის დირექტორი და პედაგოგები)

„ახლა შეიცვალა მიდგომები და ქართული ენა სათანადოდ დაფასდა. დღეს ამ ქვეყანაში, უკვე ქართულის ცოდნის გარეშე ყველას გაუჭირდება ნორმალური სამსახურის შოვნა. საჯარო სამსახურებში ხომ განსაკუთრებით აუცილებელია სახელმწიფო ენის ცოდნა.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლის ქართულის როგორც მეორე ენის უფროსი კონსულტანტ-მასწავლებელი ბექა თოხშუა მოსწავლეებთან)

„ახლანდელი თაობა უკვე სხვანაირია, ისინი ბაქოში და აზერბაიჯანის სხვა ქალაქებში სწავლის გაგრძელებას თბილისში წასვლას ამჯობინებენ. აგერ, შარშან, ჩვენი სკოლიდან დამამთავრებელ კლასებში სხვა სკოლაში გადასულმა ხუთმა კურსდამთავრებულმა ჩააბარა თბილისის სხვადასხვა უნივერსიტეტში, ასეთი სურათია სხვა სოფლების სკოლებშიც“, განუცხადა GUARDIAN.GE-ის ახმედ გაჯიევმა.

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლის ქართულის როგორც მეორე ენის უფროსი კონსულტანტ-მასწავლებელი ბექა თოხშუა)

მისივე ინფორმაციით, სკოლაში უკვე 5 წელია რაც ქართული სექტორიც არის გახსნილი და იქ სწავლება მთლინად ქართულ ენაზე მიმდინარეობს.

ახმედ გაჯიევის განცხადებით, ქართულენოვანი ჯგუფი პირველი კლასიდან მოდის და ახლა მე-5 კლასში 9 მოსწავლეა, რომლებიც ქართულ ენაზე იღებენ განათლებას. 

(GUARDIAN.GE-ის ფოტოზე: სსიპ მარნეულის მუნიციპალიტეტის სოფელ ულაშლოს საჯარო სკოლის დირექტორი ახმედ გაჯიევი)