სამშენებლო ამნისტიის ახალი რეგულაციებიდან გამომდინარე, აიკრძალება ობიექტის ფუნქციონირება, ვიდრე აღნიშნული ობიექტის ექსპლუატაციაში მიღების შესახებ შესაბამისი აქტი არ გამოიცემა.
აღნიშნული ცვლილებები „სივრცის დაგეგმარების, არქიტექტურული და სამშენებლო საქმიანობის კოდექსში“ შედის, რომლის ინიცირება პარლამენტის ბიუროს დღევანდელ სხდომაზე მოხდება.
ცვლილებებით განისაზღვრება, რომ ექსპლუატაციაში მიღებამდე დაუშვებელი იქნება ობიექტის ფუნქციონირება საცხოვრებელი, თუ სხვა დანიშნულებით.
ასევე, პროექტით, ლიცენზიატებს აეკრძალებათ, მოამარაგონ ობიექტები ელექტროენერგიით და ბუნებრივი გაზით, ვიდრე არ მოხდება მათი ექსპლუატაციაში მიღება.
კანონპროექტით დაკონკრეტებულია, რომ ლიცენზიატებმა არ უნდა მიაწოდონ აღნიშნულ ობიექტებს ელექტროენერგია და ბუნებრივი გაზი. ელექტროენერგიისა და ბუნებრივი გაზის მიწოდება დასაშვები იქნება მხოლოდ სამშენებლო საქმიანობის მიზნებისთვის. ზემოთ აღნიშნულის გარდა, ცვლილებებით დგინდება სანებართვო პირობების დარღვევით ნაწარმოები მშენებლობის ექსპლუატაციაში მიღების დროებითი წესი.
კერძოდ, აღნიშნული მუხლი ადგენს გარკვეულ პირობებს, ქალაქ თბილისის მუნიციპალიტეტის ადმინისტრაციულ საზღვრებში, თუ როგორ შეიძლება მოხდეს სანებართვო პირობების დარღვევით ნაწარმოები მშენებლობის ექსპლუატაციაში მიღება. ცვლილებებით, ეს აქტი შეეხება გასული წლის 18 აგვისტომდე დამთავრებული მშენებლობის ნებართვებს. კერძოდ, პროექტით განისაზღვრება ის დარღვევები, რომლის მიუხედავადაც შესაძლებელი იქნება ობიექტის ექსპლუატაციაში მიღება. პროექტით განისაზღვრება, რომ ობიექტი შესაძლებელია, მიღებული იყოს ექსპლუატაციაში, თუ მშენებლობა ნაწარმოებია: შეთანხმებული არქიტექტურული პროექტის (რომელზეც გაცემული იყო მშენებლობის ნებართვა) დარღვევით. მაგალითად, არ არის დაცული პროექტით გათვალისწინებული მოთხოვნები/პარამეტრები; ასევე დარღვეულია K1, K2 ან/და K3 გათვალისწინებული პარამეტრები;
„აგრეთვე, ობიექტი აშენებულია იმ მიწის ნაკვეთზე, სადაც ფუნქციური ზონირების მიხედვით, არ შეიძლებოდა მშენებლობა და ობიექტი აშენდა გარკვეულ ფართზე (მაგალითად 1000 კვ.მ.), თუმცა მისი მშენებლობის შემდეგ, ამ მიწის ნაკვეთის ნაწილი გასხვისდა, ვთქვათ, 400 კვ.მ. ამ პროცესით კი, დარჩენილი ფართი (600 კვ.მ.) უკვე განხორციელებული მშენებლობისათვის შესაძლებელია, შეუსაბამო მიწის ნაკვეთი აღმოჩნდეს“, – ნათქვამია პროექტში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.