„თავზარდამცემი ჩანაწერების შემდეგ, კიდევ ერთხელ დავრწმუნდით, რომ ქვეყანას მართავს მაფიოზურ-ტერორისტული ოჯახი, რომელმაც მიიტაცა სახელმწიფო სრულად“, - განაცხადა „ლეიბორისტული პატიის“ თავმჯდომარემ, შალვა ნათელაშვილმა ბრიფინგზე.

მან პრემიერ მინისტრის ირაკლი ღარიბაშვილის, სახელმწიფო დაცვის სპეციალური სამსახურის უფროსის, ანზორ ჩუბინიძეს და სხვა ოფიციალური პირების თანამდებობიდან დაუყოვნებლივ გადადგომა და ახალი საპარლამენტო არჩევნების დანიშვნა მოითხოვა.

„რა არ გამოვიარეთ - დარბევები, დაპატიმრებები, მაჩალიკაშვილის საწოლში ჩაცხრილვა, ახალგაზრდებისათვის 20 ივნისს თვალების დათხრა, მაგრამ ამგვარი რამ, სკოლის მოსწავლეებზე დაწესებული ტერორი, უმაღლესი ხელმძღვანელების მხრიდან, მსოფლიო პოლიტიკური რეპრესიების ისტორიას არ ახსოვს. ჩვენ არ გვაქვს გარანტია, რომ ბავშვს გავუშვებთ სკოლაში და ის დაგვიბრუნდება უვნებელი, ჯანმრთელი და ცოცხალი.

„ვფიქრობ, ყოველი წუთი, ამ ფიგურების ხელისუფლებაში ყოფნის, არის უდიდესი საფრთხე სრულიად საქართველოსთვის, ყველა ოჯახისთვის, ყველა პიროვნებისთვის, ჩვენი შვილებისთვის. ამიტომ, მე ველოდები რამდენიმე საათში განცხადებებს ღარიბაშვილის, ჩუბინიძესგან და ყველასგან, გადადგომის თაობაზე.

„სასწრაფოდ, ტექნიკური, არაპარტიული, პროფესიონალებისაგან დაკომპლექტებული დროებითი მთავრობა და სასწრაფოდ, ახალი საპარლამენტო არჩევნები“, განაცხადა ნათელაშვილმა.