ძალიან მაგრად უნდა ვიმუშაოთ ამ დღეების განმავლობაში, სრული ჩართულობით, რათა შედეგს მივაღწიოთ, – განაცხადა ევროპული საბჭოს პრეზიდენტის, შარლ მიშელის პირადმა წარმომადგენელმა კრისტიან დანიელსონმა პრესკონფერენციაზე.

მისი თქმით, შეხვდება პოლიტიკური პარტიების წარმომადგენლებს, სამოქალაქო სექტორს და შემდეგ გამოჩნდება, როგორ შეძლებს პროცესის წინ წაწევისთვის ხელის შეწყობას.

„ძალიან მაგრად უნდა ვიმუშაოთ ამ დღეების განმავლობაში, სრული ჩართულობით, რათა შედეგს მივაღწიოთ. მთავარი პუნქტი ჩემთვის, საიდანაც ვიწყებთ, არის მოსმენა. დილით უკვე შევხვდი პრეზიდენტსა და პრემიერ მინისტრს. დღის განმავლობაში შევხვდები სამოქალაქო საზოგადოების წარმომადგენლებსა და შემდეგ პოლიტიკური პარტიების ლიდერებს. შემდეგ ვნახავთ, როგორ შეგვიძლია, ხელი შევუწყოთ, რომ პროცესი წინ წავიდეს“, განაცხადა დანიელსონმა.

დანიელსონმა ასევე უპასუხა ჟურნალისტის კითხვას ოპოზიციის განცხადებებთან დაკავშირებით, რომ მოლაპარაკებები ვერ შედგება, თუ ნიკა მელია და გიორგი რურუა არ დატოვებენ საპატიმროებს, თუ პოლიტპატიმრები არ გათავისუფლდებიან და არ დაინიშნება ვადამდელი არჩევნები.

„საკითხები რაც ახსენეთ, არჩევნები, ისევე როგორც საარჩევნო რეფორმა, სასამართლო სისტემის რეფორმა, პოლიტიზებისგან თავისუფალი მართლმსაჯულება – ეს არის ის საკითხები, რომელიც მაგიდაზე დევს, რომელზეც ჩვენ უნდა ვიმსჯელოთ. მე მოვუსმენ მხარეებს დღეს შუადღისას ან ხვალ შეხვედრების დროს და ამ საკითხებზე ვიმუშავებთ ამ დღეებში“, – განაცხადა დანიელსონმა.