საქართველოს საგარეო საქმეთა მინისტრმა, დავით ზალკალიანმა ბრიუსელში ჟურნალისტებს განუცხადა, რომ „ევროკავშირი არ განიხილავს არანაირ ადრეულ არჩევნებს“ და საქართველოში საპარლამენტო არჩევნების თემა „ერთხელ და სამუდამომ მოხსნილია დღის წესრიგიდან“. მისი თქმით, ბორელმა „ძალიან მკაფიოდ განაცხადა, რომ ბოიკოტი არის მიუღებელი“.

„მკაფიო განცხადება გაკეთდა და მე მგონი კითხვის ნიშნები არ უნდა არსებობდეს იმასთან დაკავშირებით, რომ ეს არჩევნები აღიარებულია, არჩევნები აღიარა ყველა საერთაშორისო ორგანიზაციამ და ყველა მთავარმა სამონიტორო ორგანიზაციამ, მათ შორის ეუთო-ოდირმა. განცხადება უმაღლესი წარმომადგენლის ასევე მიანიშნებს, რომ ევროკავშირი არ განიხილავს არანაირ ადრეულ არჩევნებს, ამიტომ, არჩევნების თემა, მე ვფიქრობ, ერთხელ და სამუდამომ მოხსნილია დღის წესრიგიდან. ბატონმა ბორელმა დღეს ძალიან მკაფიოდ განაცხადა მოწოდება, რომ ბოიკოტი არის მიუღებელი და ეს არ არის ის გზა, რომელიც პოლიტიკურ პლურალიზმს და დემოკრატიულ საზოგადოებას ახასიათებს“, განაცხადა დავით ზალკალიანმა.