სნეინტონელი (ნოთინგემშა) 20 წლის ბრიტანელი ბრედლი იმსი ალკოჰოლური ონლაინთამაშის – “NekNominate”-ის მესამე მსხვერპლი გახდა. მან ჩაისთან ერთად 2 წუთში დალია დიდი რაოდენობით ალკოჰოლური სასმელი "ჯინი", (ბრიტანული არყის სახეობა) რის შედეგადაც გარდაიცვალა, – ამის შესახებ გამომცემლობა "დეილი მეილი" წერს.

ექვს თებერვალს, რაგბის თავგადაკლულმა მოთამაშემ, ბრედლიმ, ინტერნეტით ვიდეო გამოაქვეყნა, სადაც 2 წუთში, ერთ ლიტრ "ჯინს" ჩაის პაკეტებთან ერთად სვამს და მეგობრებსაც იგივეს გაკეთებისაკენ მოუწოდებს. 

ვიდეოში 20 წლის ბრედლი ამბობს: "მეგობრებო, თვალს ვადევნებ თქვენს თამაშს – “NekNominate”-ს და მინდა გითხრათ, რომ თქვენ ვერ მოახდინეთ ჩემზე ვერანაირი შთაბეჭდილება. ამიტომ გადავწყვიტე, მეჩვენებინა, როგორ უნდა დალევა". ბრედლიმ, გულისრევის შეგრძნების მიუხედავად, ბოლომდე შესვა "ჯინში" დაყენებული ჩაი. მშობლები და მეგობრები აფრთხილებდნენ, რომ ეს ძალიან საშიში იყო ჯანმრთელობისთვის. სასიკვდილო კოქტეილის დალევიდან ოთხ დღეში ბრედლი იმსი საკუთარ სახლში გარდაცვლილი იპოვეს. მიმდინარეობს გამოძიება, რომელშიც გარდაცვალების ძირითად მიზეზად ალკოჰოლური კოქტეილი მოიაზრება. აღნიშნული ორწუთიანი ვიდეო ონალინ სივრცეში უკვე ხელმისაწვდომი აღარაა. 

ანალოგიური გამოძიება ტარდება ორი ახალგაზრდის გარდაცვალებასთან დაკავშირებითაც, რომლებიც ასევე თამაშ “NekNominate”-ში მონაწილეობის მიღების შემდეგ გარდაიცვალნენ.

თამაშის წესები მარტივია – მონაწილეობა ყველა მსურველს შეუძლია. მთაარი პრინციპია ვიდეოს ჩაწერა, რომელშიც გარკვეული რაოდენობის ალკოჰოლური სასმელი უნდა დალიოთ, შემდეგ კი ვიდეო ატვირთოთ ინტერნეტში და სხვა მოხალისეებსაც მოუწოდოთ, რომ მათ დიდი რაოდენობის ალკოჰოლის მიღების ამსახველი უფრო შთამბეჭდავი ვიდეოს ჩაწერა შეძლონ.

http://kvira.ge/?p=10827