დედამიწის შემსწავლელ მეცნიერებათა ინსტიტუტი და სეისმური მონიტორინგის ეროვნული ცენტრი ვაშლიჯვრის მეწყრული ზონიდან აეროგადაღების კადრებს აქვეყნებს და აცხადებს, რომ შედარებული 18 და 22 მარტის აეროგადაღებების მიხედვით, მეწყრული ბლოკის გადაადგილების სიჩქარე 24 საათში 4-5 სანტიმეტრს შეადგენს.
ილიას სახელმწიფო უნივერსიტეტის დედამიწის შემსწავლელ მეცნიერებათა ინსტიტუტის ხელმძღვანელის, თეა გოდოლაძის თქმით, ჩანს, რომ მეწყერი მოძრაობს, ის დინამიკაშია მოსული.
„პირველ რიგში, უნდა ვთქვა, რომ ჩვენ გვაქვს ლიმიტირებული რესურსები. ეს ნიშნავს, რომ არ გვაქვს საკმარისი აპარატურა მეწყრის მონიტორინგისთვის. ის აპარატურა კი, რაც გვაქვს, არ გვაძლევს საშუალებას, სურათი მთლიანად დავინახოთ. დღევანდელი ჩვენი დასკვნა არის ხუთშაბათს, ჩვენ მიერ პირველად ჩატარებული კვლევისა და გუშინდელი დღის კვლევის შედარებითი ანალიზი.
ჩანს, რომ მეწყერი მოძრაობს, ის დინამიკაშია მოსული. ეს დგინდება ორი პარამეტრით, მეწყერის სიჩქარისა და აჩქარების დადგენით. აჩქარების გასაზომად ჩვენ არ გვაქვს შესაბამისი აპარატურა, თუმცა მაინც ვცდით ამის გაზომვას არსებული აპარატურით. ამას გვირჩევენ ჩვენი ამერიკელი პარტნიორები. აჩქარების პარამეტრი გვიჩვენებს, რომ ის თუ აჩქარდა, ე.ი. სხეული დაიძრა და ნელი მოძრაობიდან გადავა ჩამოწევაზე. ახლა მეწყრის ტანის მოძრაობის სიჩქარე არის ხუთი სანტიმეტრი დღეში. ეს არ არის ცოტა და აუცილებელია, ამაზე გავამახვილოთ ყურადღება. ეს დავადგინეთ აეროფოტოგადაღებით. თუმცა, ეს არ არის ზუსტი მონაცემი და მას შემოწმება სჭირდება. რაც შეეხება ნაპრალის სიღრმეს, ჩვენ ავაწყვეთ 188 მეტრის ელექტრული პროფილი. ელექტრომაგნიტური ტალღების გაშვებით დადგინდება მისი აგებულება. გამოვლინდა, რომ სიღრმე უფრო მეტია, ვიდრე ჩანს, ამ დროისთვის ის არის 18 მეტრი“, განაცხადა თეა გოდოლაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.