The Associated Press-ის ფოტო: 2019 წლის 22 ივნისი, რუსი ტურისტების ჯგუფი ძველ თბილისში

„ყველგან, სადაც კი მოვხვდებოდით რუსეთში, გამუდმებით გვესმოდა მაგიური სიტყვა - „ს ა ქ ა რ თ ვ ე ლ ო!“ - კავკასიის ამ ქვეყანას, რომელიც შავი ზღვის პირას მდებარეობს, რუსები ისე მოიხსენიებდნენ, როგორც მეორე სამოთხეს. უკვე, ისეთი შთაბეჭდილება შეგვექმნა, რომ რუსების უმრავლესობა იმედოვნებს, თუკი პატიოსნად და ზნეობრივად იცხოვრებს, სიკვდილის შემდეგ სამოთხეში კი არ ამოყოფს თავს, არამედ საქართველოში!“ - ჯონ ერნესტ სტეინბეკი, ამერიკელი მწერალი, ნობელის პრემიის ლაურეატი.

კი ბატონო, მართალს ბრძანებს ნობელიანტი მწერალი, რუსებს უყვარდათ და ახლაც უყვართ საქართველო, ოღონდ - არა სუვერენული და თავისუფალი ქართული სახელმწიფო, არამედ - „ხინკალნა-ხაჩაპურნაია გრუზინსკაია რესპუბლიკა, ს პესნიამი ი პლიასკამი!!“ მე პირადად, დავბერდი კაცი და ჯერ არ შემხვედრია ერთი რუსი ინტელიგენტიც კი (უწიგნურზე აღარაფერს ვამბობ!), რომელსაც განეცხადებინოს, რომ დამოუკიდებელი საქართველოს სახელმწიფოებრიობა რუსეთისთვის „მისაღებია“, - თუნდაც, ეს ორაზროვანი სიტყვა წარმოეთქვას!!!

ჯუმბერ კირვალიძე,

პოლიტოლოგი - დამთავრებული აქვს ლომონოსოვის სახელობის მოსკოვის სახელმწიფო უნივერსიტეტი