საგარეჯოს მუნიციპალიტეტის სოფელ ლამბალოს აზერბაიჯანულენოვან საჯარო სკოლაში სასწავლო პროცესი საკლასო ოთახებში მიმდინარეობს.

როგორც GUARDIAN.GE-ის სკოლის დირექტორმა, დავით როსტომაშვილმა განუცხადა, 2020-21 სასწავლო წლის პირველ სემესტრში, ნოემბერის პირველი ნახევრიდან, სკოლა დისტანციურ სწავლებაზე იყო გადასული, რადგან პედაგოგების და ადმინისტრაციული პერსონალის ნაწილს კორონავირუსი დაუდასტურდა.

დირექტორის თქმით, 2021 წლის 18 იანვრიდან, სკოლაში მეორე სემესტრის დაწყების შემდეგ, სასწავლო პროცესი შეუფერხებლად, ჯანდაცვის სამინისტროს რეკომენდაციების სრული გათვალისწინებით საკლასო ოთახებში გრძელდება და მიუხედავად იმისა, რომ საგანმანათლებლო დაწესებულებაში 1200-ზე მეტი მოსწავლე ირიცხება, რეგულაციების დაცვის შედეგად, ხერხდება, რომ სასწავლო პროცესი დისტანციურ რეჟიმში არ გადავიდეს.

„მასწავლებლებს და ადმინისტრაციულ პერსონალს, 2 კვირაში ერთხელ რეგულარულად უტარდებათ ტესტირება და ამ დრომდე, ვირუსი არ გამოვლენილა“, განუცხადა GUARDIAN.GE-ის დავით როსტომაშვილმა.