„ეს ჰესი, ნამახვანჰესი, ისევე როგორც სხვა ჰესები, არის ბიძინა ივანიშვილის საკუთრება და ყველა ხეობა აოხრდა იმისათვის, რომ ბიძინა ივანიშვილს ჰქონდეს შემოსავალი“, - განაცხადა „ლეიბორისტული პარტიის“ თავმჯომარემ, შალვა ნათელაშვილმა ბრიფინგზე.

„ეს ბიზნესი ქვეყნის დანგრევისა, გახლავთ ოლიგარქის საკუთრება“, აღნიშნა ნათელაშვილმა.

მისი თქმით, „რიონის ხეობას დღესაც ამჩნევია აღმაშენებლის და ჭყონდიდელის ნაფეხურები“ და საქართველო არ დაუშვებს ამ ჰესის აშენებას.

„გვინდა, სოლიდარობა გამოვუცხადოთ რიონის გადასარჩენად დაძრულ დიდ, სახალხო, ეროვნულ ლაშქარს, რომელთა ბრძოლისუნარიანობით ყველა უკლებლივ აღფრთოვანებული ვართ. რა თქმა უნდა, „ლეიბორისტული პარტიის“ აქტივი იმერეთისა და არა მარტო, იქ დგას, ხალხთან ერთად. ხალხი ამ ბრძოლას აუცილებლად მოიგებს რეჟიმის შეცვლისთანავე, რაც ძალიან მალე მოხდება. საქართველოში საერთოდ, სამუდამოდ აიკრძალება მეგა და გიგანტური ჰესების მშენებლობა, ხოლო „ნამახვანჰესის“ ავტორები და ინიციატორები ჩადენილი ქმედებებისთვის სასტიკად აგებენ პასუხს სამართლისა და ერის წინაშე.

ჩვენ საქართველოს საკონსტიტუციო სასამართლოში შეგვაქვს სარჩელი, მთავარი, ძირითადი კანონის 29-ე მუხლის შესაბამისად, ვითხოვთ ყველა კონტრაქტის და ნორმატიული აქტის გაუქმებას, რომელიც დაიდო ამ.ე.წ. კომპანიასთან და რომელიც პრაქტიკულად არის ადამიანის უფლების ხელყოფა, რათა იცხოვროს მან ეკოლოგიურად ჯანსაღ, ჯანმრთელ გარემოში, მიიღოს მონაწილეობა გარემოსდაცვითი პრობლემების გადაწყვეტაში. კონსტიტუციის ყველა ეს პუნქტი აღნიშნული კონტრაქტის შედგენის დროს დაირღვა“, - განაცხადა შალვა ნათელაშვილმა.