„ლეიბორისტული პარტიის“ თავმჯომარემ, შალვა ნათელაშვილმა პრესკონფერენციაზე განაცხადა, რომ ყოფილი პრემიერ მინისტრის, გიორგი გახარიას პოლიტიკაში დაბრუნება კრემლისა და პუტინის „სათადარიგო ვარიანტის“ ამოქმედებაა და ამის მიზანი, საჭიროების შემთხვევაში, ივანიშვილის პოლიტიკური ხროვის ჩანაცვლებაა.
„რაც შეეხება ბატონ გახარიას. ეს არ არის გახარიას დაბრუნება, ეს არ არის არც გახარიას ინიციატივა. ამუშავდა კრემლის და ვლადიმერ პუტინის სათადარიგო ვარიანტი, რომ თუ რაღაც შეიძლება დაემართოს ივანიშვილის პოლიტიკურ ხროვას, ჩაანაცვლონ სარეზერვო ვარიანტებით. ასეთი სარეზერვო ვარიანტები რუსეთს ჰყავდა ასლან აბაშიძეები, გიორგაძეები, კიდევ რაღაც პარტიების გაერთიანებები და ამ შემთხვევაში აამოქმედეს საგარეო დაზვერვის ოფიცერი, რომელიც მათი თანამშრომელია - გახარიას სახით - რომელიც მართავდა ივანიშვილის ბიზნესს რუსეთის ფედერაციაში, წლების განმავლობაში, ხოლო ამ საქმიანობას ის ვერ გასწევდა სპეცსამსახურების მფარველობისა და კურატორობის გარეშე“, განაცხადა ნათელაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.