„ლელო საქართველოსთვის“ ლიდერი მამუკა ხაზარაძე „ქართული ოცნების“ მიერ კრისტიან დანიელსონის წარმოდგენილი დოკუმენტის ხელმოწერის გადაწყვეტილებას ეხმაურება და აცხადებს, რომ დოკუმენტის საბოლოოდ შესათანხმებლად და ხელმოსაწერად აუცილებელია მოლაპარაკებების ბოლო რაუნდის გამართვა კრისტიან დანიელსონის მონაწილეობით.

„ოცნებამ“, ჩვენი საერთაშორისო პარტნიორების ზეწოლით, გააცნობიერა, რომ უნდა დაეთანხმოს დანიელსონის დოკუმენტს.

შეგახსენებთ, ხუთი პუნქტიდან 3-ს ოპოზიცია იქვე, მოლაპარაკების დროს დაეთანხმა. დარჩენილ ორ პუნქტთან დაკავშირებით – პოლიტპატიმრები და ვადამდელი არჩევნები, იყო მსჯელობა სხვადასხვა ფორმულაზე, რომელიც ბოლო შეხვედრის დროს ვერ დასრულდა.

ამიტომ, დარჩა ბოლო რაუნდი ორი პუნქტის შესათანხმებლად, აქ აუცილებელია ბატონ დანიელსონის მონაწილეობა, რათა მოხდეს საბოლოო შეთანხმება და დოკუმენტზე ხელმოწერა“, – წერს Facebook-ის საკუთარ გვერდზე მამუკა ხაზარაძე.