„ნაციონალური მოძრაობის“ ყოფილი თავმჯდომარის, გრიგოლ ვაშაძის მიერ შარლ მიშელის მიერ წარდგენილ დოკუმენტზე მოულოდნელმა ხელმოწერამ გაღიზიანება გამოიწვია ოპოზიციურ პარტიაში, რომლის პოლიტსაბჭოს წევრმა ლევან ხაბეიშვილმა განაცხადა, რომ ვაშაძე „როგორც პოლიტიკოსი, ფაქტობრივად აღარ არსებობს“.

„გულწრფელად ვწუხვარ, ადამიანურად მათ შორის, ბატონი გრიგოლის გამო. სამწუხაროა და ვფიქრობ ტრაგიკულიც, საზოგადოებაც ამას კარგად შეაფასებს, იმ პარტიის თავმჯდომარე, რომლისაც თავად იყო, არის დღეს მძევლად აყვანილი. ეს კაციც ამ პარტიის თავმჯდომარე იყო და ნიკა მელიას დაკავების პროცესში, აი, ამ ბრძოლების პროცესში, მას ერთხელაც კი არ გასჩენია სურვილი სოლიდარული ყოფილიყო მისი ყოფილი თანაგუნდელის ან თანაგუნდელების მიმართ.

„როგორც პოლიტიკოსი, ის ფაქტობრივად აღარ არსებობს და როგორც ადამიანიც, სამწუხაროდ მოიქცა ისე, რომ მას არ შეუძლია ყოფილ თანაგუნდელებს ჩახედოს თვალებში, რადგან ფაქტობრივად, ბრძოლის ხაზზე მდგომი მისი კოლეგები არც კი მოიკითხა ყველაზე მძიმე პერიოდში“, განაცხადა ლევან ხაბეიშვილმა.