საქართველოს თავდაცვის ძალების მეთაურმა, გენერალ-მაიორმა გიორგი მათიაშვილმა აშშ-ის სპეციალური ოპერაციების ევროპის სარდლობის მეთაურის მოადგილეს, პოლკოვნიკ მარკ ლაროშს უმასპინძლა.
გენერალური შტაბის ადმინისტრაციულ შენობაში გამართულ შეხვედრაზე მხარეებმა საქართველოს თავდაცვის ძალებსა და აშშ-ის სპეციალური ოპერაციების ევროპულ სარდლობას შორის არსებული თანამშრომლობის საკითხები და სამომავლო პერსპექტივები განიხილეს.
ყურადღება გამახვილდა გაერთიანებულ კომბინირებულ გაცვლით სწავლებაზე (JCET) და მასში აშშ-ის სპეციალური ოპერაციების ევროპის სარდლობის ჩართულობაზე. როგორც გენერალ-მაიორმა გიორგი მათიაშვილმა აღნიშნა, საქართველოს სპეციალური ოპერაციების ძალების განვითარებისა და მოდერნიზაციისთვის აშშ-ის ევროპის სარდლობასთან თანამშრომლობა ერთ-ერთი მთავარი პრიორიტეტია და ამ კუთხით საქართველო მზადაა, პარტნიორობა კიდევ უფრო გაღრმავდეს. საუბარი შეეხო ასევე, ერთობლივ მრავალეროვნულ წვრთნებს, საქართველოს თავდაცვის მზადყოფნის პროგრამასა (GDRP) და საბრძოლო მომზადების ცენტრის (CTC) განვითარების საკითხებს.
შეხვედრის დასასრულს თავდაცვის ძალების მეთაურმა პოლკოვნიკ მარკ ლაროშს საქართველოს თავდაცვის ძალების მოდერნიზაციის პროცესში ამერიკული მხარის მხარდაჭერისა და დახმარებისთვის მადლობა გადაუხადა და მომავალში თანამშრომლობის კიდევ უფრო გაღრმავების იმედი გამოთქვა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.