"სახელმწიფო მე ვარ"! - ეს სიტყვები ეკუთვნის საფრანგეთის მეფეს ლუი მე-14-ს, რომელსაც "მეფე-მზეს" უწოდებდნენ! ამ მოვლენას ჰქვია - "აბსოლუტური მონარქია"!
დღეს, საქართველოში აბსოლუტური მონარქია არ არის, მაგრამ გვაქვს "აბსოლუტურად ჩრდილოვანი მმართველობა", რომლის სათავეშია ბიძინა ივანიშვილი, რომელსაც "უდიდეს ქველმოქმედს" უწოდებენ, რომელსაც ლუი მე-14-ს მსგავსად სრულ მორჩილებაში ჰყავს სახელმწიფო ინსტიტუტები, უწინარესად, - სასამართლო, პროკურატურა, უშიშროება და პ ო ლ ი ც ი ა, ძალოვანების მთელი სპექტრი! ამას ყველაფერს ემატება, იურისტთა ჯგუფი ი. კობახიძის მეთაურობით, რომელიც ეწევა "კანონშემოქმედებით საქმიანობას", იწერება კანონები, რომელებიც "უდიდესი ქველმოქმედის" სიცოცხლის ბოლომდე უზრუნველყოფს მის აბსოლუტურ ძალაუფლებას, ხოლო ვინც არ დაემორჩილება მის "კანონებს", ისინი სასამართლოს "გავლით" მოხვდებიან საპყრობილეში! მოკლედ, საშველი არ ჩანს, მაგრამ, არის ერთი "მაგრამ", რომელსაც ჰქვია - "ხალხის მოთმინების ფიალის ავსება", - რასაც მოჰყვება "გაუთვალისწინებელი მოქმედებები"! მაგალითად, აფრიკაში, დიახ, აფრიკაში, კერძოდ სუდანში, მწვავე პოლიტიკურ-ეკონომიკური კრიზისის დროს და ხალხის მიმართ უსამართლოდ, ძალმომრეობით მოქცევის გამო, ქვეყნის შეიარაღებული ძალები (არმია!), გამოვიდა ქალაქების ქუჩებში, - პოლიციისაგან მშვიდობიანი პროტესტანტი მოქალაქეების დასაცავად!
დიახ, არმიამ დაიცვა ხალხი პოლიციის ძალმომრეობისაგან, რომლებსაც უნდოდათ ხალხის დარბევა სუდანის დედაქალაქ ხართუმის ცენტრში!!! როგორც ყვებიან თვითმხილველნი, პოლიცია და სპეცრაზმი პიკაპებით "აწვებოდნენ" პროტესტანტების რიგებს და უშვებდნენ ცრემლსადენ გაზს! ამ დროს, აქციის ადგილას გამოჩნდნენ ჯარისკაცები, რომლებმაც გააკეთეს გამაფრთხილებელი გასროლები ჰაერში, რის შემდეგაც პოლიციის დანაყოფებმა სწრაფად დატოვეს ტერიტორია, ხოლო ჯარისკაცები დარჩნენ პროტესტანტი ხალხის დასაცავად, მათ სიახლოვეს!
დემონსტრანტებმა დაიწყეს სკანდირება, - "ჩვენი არმია, ჩვენ გვიცავს" და "ერთი ხალხი, ერთი არმია"!!! ხელისუფლების საინფორმაციო საშუალებებმა გაავრცელეს "ფეიკ ნიუსი", რომ თითქოს, პოლიციამ და უშიშროებამ დაშალეს დემონსტრაცია და რომ ძალოვანი სტრუქტურები "ჰარმონიულად მუშაობენ"! ამის შემდეგ, პროტესტანტებმა განაცხადეს, რომ მანამ არ შეწყვეტენ აქციებს, სანამ სახელმწიფოს მეთაური არ გადადგება, ხოლო ძალოვანი სტრუქტურების ხელმძღვანელებმა ვეღარ გაბედეს მათი დარბევა, რადგან არმიის გააქტიურების შეეშინდათ! ამის საპასუხოდ, დემონსტრანტებმა განაგრძეს მარშით სვლა პრეზიდენტის სასახლისაკენ, რომლის მიმდებარედ დიდი მიტინგი გაიმართა, რასაც მეორე დღეს მოჰყვა პრეზიდენტის გადადგომა!!! ხალხის სიხარულს საზღვარი არ ჰქონდა, ისინი მადლობას უხდიდნენ ქვეყნის არმიას, მის ჯარისკაცებს, რომლების ჩარევის გარეშე პოლიციური დანაყოფები მათ დაარბევდნენ და ციხეში ჩაყრიდნენ!!!
პ.ს. ქოცნაც ხელისუფლებავ, გაითვალისწინე - "აი ამბავი"!..
ჯუმბერ კირვალიძე,
პოლიტოლოგი - დამთავრებული აქვს ლომონოსოვის სახელობის მოსკოვის სახელმწიფო უნივერსიტეტი
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.