გირაოს თანხის ჩარიცხვის შემდეგ, პროკურატურის შუამდგომლობით მიმართვისა და სასამართლოს გადაწყვეტილების საფუძველზე, „ერთიანი ნაციონალური მოძრაობის“ თავმჯდომარე ნიკა მელია პატიმრობიდან გათავისუფლდა. სასამართლო პროცესი ცოტა ხნის წინ დასრულდა.
პროკურატურის მიერ წარდგენილი შუამდგომლობა, ნიკა მელიასთვის აღკვეთის ღონისძიების შეცვლის თაობაზე, მოსამართლე ნინო ჩახნაშვილმა დააკმაყოფილა.
მოსამართლის გადაწყვეტილებას ნიკა მელია რუსთავის მეთორმეტე დაწესებულებაში ელოდა. ის სასჯელაღსრულების დაწესებულებას მალე დატოვებს.
პროკურატურამ ნიკა მელიას მიმართ შეფარდებული აღკვეთის ღონისძიების, პატიმრობის შეცვლასთან დაკავშირებით, სასამართლოს 9 მაისს მიმართა.
პროკურორმა ამირან გულუაშვილმა ნიკა მელიას სასამართლო პროცესამდე ჟურნალისტებს განუცხადა, რომ ნიკა მელიას პატიმრობა არასდროს ყოფილა საქართველოს პროკურატურის თვითმიზანი.
„პროკურატურამ შეასრულა დადებული პირობა. როგორც თქვენთვის ცნობილია, ჯერ კიდევ 25 თებერვალს შევთავაზეთ დაცვის მხარეს, რომ მათი მხრიდან თუ მოხდებოდა გირაოს პირობების შესრულება, ბრალდების მხარე გამოთქვამდა მზადყოფნას, მიემართა სასამართლოსათვის ნიკანორ მელიასთვის უფრო მსუბუქი აღკვეთის ღონისძიებით გირაოთი შეცვლით თაობაზე. 8 მაისს „ახალგაზრდა იურისტთა ასოციაციის“ მიერ ნიკანორ მელიას სასარგებლოდ აღსრულების ბიუროს შესაბამის ანგარიშზე 40 ათასი ლარი განთავსდა. შესაბამისად, აღნიშნული პირობა ფაქტობრივად დაცვის მხარის მიერ არის შესრულებული. ჩვენ, ჩვენი შეთავაზების შესაბამისად, გუშინ მივმართეთ საქალაქო სასამართლოს შუამდგომლობით, რომლითაც მოთხოვნილია ნიკანორ მელიას მიმართ გამოყენებული პატიმრობის შეცვლა გირაოთი. კერძოდ, გირაო 40 ათასი ლარის ოდენობით. ჩვენ არაერთხელ ხაზგასმით აღვნიშნეთ, რომ ნიკანორ მელიას პატიმრობა არასდროს ყოფილა საქართველოს პროკურატურის თვითმიზანი. ის გარემოება, რომ იგი იმყოფება პატიმრობაში, გამოწვეული იყო ერთის მხრივ იმით, რომ მის მიმართ არსებობდა გარკვეული რისკები და სწორედ ამ რისკების აღმოსაფხვრელად აუცილებელი იყო აღკვეთის ღონისძიების გამოყენება. რაც შეეხება აღკვეთის ღონისძიების კონკრეტულ სახეს პატიმრობას, ეს იყო ფაქტობრივად უალტერნატივო გარემოება იმ მოცემულობის გათვალისწინებით, რომ უფრო მსუბუქი ღონისძიება გირაო არ სრულდებოდა მისი მხრიდან“,- განაცხადა გულუაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.