საქართველოს თავდაცვის მინისტრმა დიდი ბრიტანეთისა და ჩრდილოეთ ირლანდიის გაერთიანებული სამეფოს ელჩს, მარკ კლეიტონს უმასპინძლა. გაცნობით შეხვედრაზე ჯუანშერ ბურჭულაძემ ბრიტანულ მხარეს საქართველოს ტერიტორიული მთლიანობისა და სუვერენიტეტის ურყევი მხარდაჭერისთვის, ასევე გაწეული პრაქტიკული დახმარებისთვის მადლობა გადაუხადა.
მინისტრმა დემოკრატიული პროცესების გაძლიერების, თავდაცვის ძალების ტრანსფორმაციისა და ნატოში ინტეგრაციის გზაზე დიდ ბრიტანეთთან პარტნიორობის მნიშვნელობა ხაზგასმით აღნიშნა. მან ნატო-საქართველოს არსებითი პაკეტის (SNGP) განხორციელების პროცესში გაერთიანებული სამეფოს მნიშვნელოვან წვლილზეც გაამახვილა ყურადღება.
მხარეებმა თანამშრომლობის კონკრეტული ასპექტები მიმოიხილეს და იმედი გამოთქვეს, რომ ორ ქვეყანას შორის თავდაცვის სფეროში კავშირები კიდევ უფრო განმტკიცდება. საუბარი შეეხო სამხედრო განათლების სფეროში თანამშრომლობის გაღრმავების შესაძლებლობებსა და საერთშორისო სამხედრო წვრთნებს.
თავდაცვის სამინისტროში გამართულ შეხვედრაზე საუბრის ერთ-ერთ მთავარ თემას უახლოეს თვეებში საქართველოში, ბრიტანული გემის შემოსვლის საკითხი წარმოადგენდა. შეხვედრას საქართველოს თავდაცვის უწყების ბრიტანელი მრჩეველი, კლერ მაკიანი დაესწრო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.