ჩვენთან ამ ეტაპზე, თითქმის 90%-დან 100%-ის ფარგლებში ფიქსირდება ბრიტანული შტამი. დღეს ქვეყანაში დადასტურდა 5 ადამიანში, როგორც პისიარ-კვლევებით, ისე გენომის სექვენირებით ინდური შტამის არსებობა, - განაცხადა დაავადებათა კონტროლის ცენტრის ხელმძღვანელმა, ამირან გამყრელიძემ.

მისივე თქმით, ამ 5 ადამიანიდან 2 საქართველოს მოქალაქეა.

„ხუთივეს აქვს უცოხეთის ქვეყნებში და განსაკუთრებით, შუა აღმოსავლეთში მოგზაურობის ისტორია და საქართველოში მაისის შუა რიცხვებში შემოვიდნენ. 5-ივე ადამიანის კლინიკური მდგომარეობა დამაკმაყოფილებელია, აქედან 3-მა, რომლებიც უცხოელები არიან, უკვე დატოვეს ქვეყანა, ხოლო საქართველოს მოქალაქეები არიან იზოლირებულები და მათზე მიმდინარეობს მეთვალყურეობა. ისინი სახლის პირობებში არიან და დაავადება მიმდინარეობს მსუბუქად“, - განაცხადა ამირან გამყრელიძემ და დაამატა, რომ საქართველოს მოქალაქეების კონტაქტები უკვე გამოკვლეულია და ისინი იზოლირებულები არიან.