“ერთიანი ნაციონალური მოძრაობის“ ლიდერმა, დავით ბაქრაძემ, პარტიის ოფისში გამართულ ბრიფინგზე, „რუსთავი-2“-ის ჟურნალისტებს მიმართა.

„ამ დღეების განმავლობაში, კიდევ ერთხელ დაამტკიცეთ, რომ თქვენ ხართ არამხოლოდ პროფესიონალები, არამედ ძალიან მაღალი პროფესიული ეთიკის მატარებელი გუნდი. მე ქედს ვიხრი თითოეული თქვენგანის პროფესიონალიზმისა და წესიერების წინაშე. მე მოვდივარ და მოვალ „რუსთავი-2“-ის ეზოსთან არა იმიტომ, რომ მე ვარ ენმ-ის წევრი, არამედ იმიტომ, რომ მე ვარ ამ საზოგადოების ნაწილი. იმიტომ რომ ეს ბრძოლა, რომელსაც დღეს ჩვენ ერთად ვაწარმოებთ, არის ბრძოლა ჩვენი შვილების უკეთესი მომავლისთვის და იმისთვის, რომ ჩვენმა შვილებმა საქართველო არ დაინახონ მხოლოდ 20/30-ის ობიექტივიდან“ - აღნიშნა უმცირესობის ლიდერმა.