შინაგან საქმეთა სამინისტროს საგანგებო სიტუაციების მართვის სამსახური ავსტრიის განვითარების სააგენტოს დახმარებით სამთო-სამაშველო აღჭურვილობას მიიღებს.
საგანგებო სიტუაციების მართვის სამსახურის უფროსმა, სამოქალაქო უსაფრთხოების გენერალ-მაიორმა თემურ მღებრიშვილმა და ავსტრიის განვითარების სააგენტოს ტექნიკური თანამშრომლობის კოორდინაციის ოფისის ხელმძღვანელმა - ალექსანდერ კარნერმა დღეს საგრანტო ხელშეკრულებას ხელი მოაწერეს.
ევროპელი პარტნიორების მიერ საგრანტო ხელშეკრულებით გათვალისწინებით შეძენილი საერთაშორისო სტანდარტების შესაბამისი აღჭურვილობით ყაზბეგის სახანძრო-სამაშველო განყოფილების ჯგუფის ტექნიკური ბაზა განახლდება.
ყაზბეგის სახანძრო-სამაშველო განყოფილების მაშველები პირველი მორეაგირე ძალაა მუნიციპალიტეტის მასშტაბით განსახორციელებელი ოპერაციებისას. მათ ხშირად უწევთ საკუთარი სამსახურეობრივი მოვალეობის შესრულება განსაკუთრებულად რთული რელიეფსა და გარემო პირობებში.
ავსტრიელი პარტნიორების მიერ გადმოცემული აღჭურვილობა სამმართველოსთვის მნიშვნელოვანი შენაძენი იქნება როგორც მეხანძრე-მაშველთა დამატებითი უსაფრთხოების უზრუნველსაყოფად, ასევე, ოპერაციების უფრო სწრაფად და ეფექტურად ჩასატარებლად.
ინფორმაციას სააგენტო საგანგებო სიტუაციების მართვის სამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.