სპეციალური ოპერაციების ძალების მსმენელებმა სპეციალური დანიშნულების საკვალიფიკაციო პროგრამის წყალზე მომზადების კომპონენტი დაასრულეს. კურსის დასკვნითი ფაზა მსმენელებმა ბობოყვათის სანაპიროზე გაიარეს. სამხედრო მოსამსახურეებს სწავლების წარმატებით დასრულება სპეციალური ოპერაციების ძალების მეთაურმა, პოლკოვნიკმა თეიმურაზ ყლატეიშვილმა მიულოცა.
წყალზე მომზადების სავარჯიშოები ორი კვირის განმავლობაში ოცდაშვიდმა მსმენელმა გაიარა. კურსის მიზანი დღისა და ღამის პირობებში წყალზე დაბრკოლებების გადალახვა იყო, რომელიც ფორმით ცურვას, წყლის გადალახვისთვის საჭირო საშუალებების მომზადებას, ზურგჩანთებში არსებული ნივთების შეფუთვას და ტივის შეკვრას, ასევე დაშავებულის წყალზე გადაყვანის ამოცანებს მოიცავდა.
სპეციალური დანიშნულების საკვალიფიკაცო პროგრამის კანდიდატებმა რეინჯერის მოსამზადებელი პროგრამა და საპარაშუტო კურსები უკვე გაიარეს. სამომავლოდ ისინი სპეციალური ოპერაციების ძალებში ჩასარიცხად ეტაპობრივად გათვალისწინებულ სხვა კურსებსაც გაივლიან. კურსების წარმატებით გავლის შემთხვევაში, ისინი სპეციალური ოპერაციების ძალებში ოფიციალურად ჩაირიცხებიან.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.