ნინოწმინდის მუნიციპალიტეტის საკრებულოს სხდომათა დარბაზში მორიგი სხდომა გაიმართა, რომელსაც საკრებულოს თავმჯდომარე ვაან აროიანი უძღვებოდა.

სხდომას საკრებულოს წევრებთან ერთად ნინოწმინდის მუნიციპალიტეტის მერი ანივარდ მოსოიანი, მერიის საფინანსო-საბიუჯეტო სამსახურის უფროსი სამველ არზუმანიანი, იურიდიული სამსახურის უფროსი სპეციალისტი აღას ნანაიანი და ადგილობრივი ხელისუფლების სხვა წარმომადგენლები ესწრებოდნენ.

განსახილველი იყო ხუთი საკითხი:

1. ნინოწმინდის მუნიციპალიტეტის 2021 წლის ბიუჯეტის 3 (სამი) თვის შესრულების ანგარიშის მოსმენისა და შეფასების შესახებ;

2. ნინოწმინდის მუნიციპალიტეტის 2021 წლის ბიუჯეტში ცვლილების შეტანის შესახებ;

3. არასამეწარმეო (არაკომერციული) კერძო სამართლის იურიდიული პირი ნინოწმინდის საბავშვო ბაღი „წიწერნაკ“-ის ლიკვიდაციაზე თანხმობის მიცემის შესახებ;

4. არასამეწარმეო (არაკომერციული) კერძო სამართლის იურიდიული პირი „ნინოწმინდის საბავშვო ბაღების გაერთიანების“ დაფუძნებაზე თანხმობის მიცემის შესახებ;

5. ნინოწმინდის მუნიციპალიტეტის სოფელ განძაში მემორიალის „ქვაჯვარის“ განთავსებაზე თანხმობის მიცემის შესახებ.

დღის წესრიგის ხუთივე საკითხი ერთხმად დამტკიცდა.

ინფორმაციას ნინოწმინდის მუნიციპალიტეტის საკრებულოს აპარატი ავრცელებს.