სულ მცირე 80 ადამიანია გარდაცვლილი და ასეულობით სხვა დაკარგულადაა გამოცხადებული გერმანიაში, სადაც ათწლეულების განმავლობაში ყველაზე საშინელი და გამანადგურებელი წყალდიდობაა.
ყველაზე მეტად დაზარალდნენ გერმანიის რაინლანდ-პფალცისა და ჩრდილოეთ რაინ-ვესტფალიის შტატები, მაგრამ ბელგიასა და ნიდერლანდებსაც დიდი ზიანი მიადგა.
თითქმის მთლიანად არის განადგურებული სოფელი შხულდი, სადაც 700 ადამიანი ცხოვრობდა.
დასავლეთ ევროპაში რეკორდულად უხვმა ნალექმა მდინარეების კალაპოტების ადიდება და ნაპირების განგრევა გამოიწვია. მსხვერპლია ბელგიაშიც, სადაც სულ მცირე 11 ადამიანია გარდაცვლილი.
გერმანიის კანცლერმა, ანგელა მერკელმა დაზარალებულებს სრული მხარდაჭერა აღუთქვა.
ჩრდილოეთ რეინ-ვესტფალიის პრემიერმა, არმინ ლასჩეტმა დაზარალებულ რეგიონში ვიზიტისას ამინდის გაუარესება გლობალურ დათბობას დაუკავშირა.
„ჩვენ ამგვარი მოვლენების წინაშე კვლავაც და კვლავაც მოგვიწევს დგომა და ეს ნიშნავს, რომ უნდა დავაჩქაროთ კლიმატის დაცვის ზომები, რადგან კლიმატის ცვლილება მხოლოდ ერთი სახელმწიფოთი არ შემოიფარგლება“, თქვა მან.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.