ამერიკის შეერთებული შტატების პრეზიდენტმა, ჯოზეფ ბაიდენმა ქვეყნის საგარეო პოლიტიკის მიმართულებით 4 პირის დანიშვნის განზრახვის შესახებ გამოაცხადა. თეთრი სახლის ვებგვერდზე გამოქვეყნებული ინფორმაციის თანახმად, ჯონ ბასი, რომელიც აშშ-ის საგანგებო და სრულუფლებიანი ელჩი იყო საქართველოში (2009-2012წწ), სახელმწიფო მდივნის მოადგილედ არის წარდგენილი (მენეჯმენტის განხრით).
დევიდ კოენი - აშშ-ის საგანგებო და სრულუფლებიან ელჩად კანადაში.
ჯემი ჰარპუტლიანი - აშშ-ის საგანგებო და სრულუფლებიან ელჩად სლოვენიის რესპუბლიკაში.
ვიქტორია კენედი - აშშ-ის საგანგებო და სრულუფლებიან ელჩად ავსტრიის რესპუბლიკაში.
ბასი ამჟამად სახელმწიფო დეპარტამენტის საგარეო სამსახურის ინსტიტუტის უფროსი მრჩეველია. იგი მსახურობდა აშშ-ის საგანგებო და სრულუფლებიან ელჩად ჯერ ავღანეთში, შემდეგ თურქეთის რესპუბლიკასა და საქართველოში. დამატებით, იგი სახელმწიფო დეპარტამენტში აღმსარულებელი მდივანი იყო და ეკავა სხვა ხელმძღვანელი პოსტები ამავე დეპარტამენტში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.