Agile Spirit 2021-ის პარტნიორი ქვეყნების სპეციალური ოპერაციების ძალების ქვედანაყოფებმა სენაკში, II ბრიგადის პოლიგონზე კომბინირებული წვრთნა გამართეს. მრავალეროვნული სწავლებების ისტორიაში მსგავსი მასშტაბური სწავლება პირველად ჩატარდა, სადაც მონაწილეობა საქართველოს, აშშ-ის, დიდი ბრიტანეთის, პოლონეთის და რუმინეთის სპეციალური ოპერაციების ძალების მებრძოლებმა ერთმანეთის მხარდამხარ მიიღეს.
კომბინირებულ ოპერაციაში, სახელწოდებით - მოწინააღმდეგის მიერ დაკავებული ობიექტის გათავისუფლება და დაკავება, ქართული და ამერიკული ჯავშანტრანსპორტიორები „დიდგორი მეომარი“ და ოშკოშა, ასევე საქართველოს თავდაცვის ძალების კუთვნილი იროკეზის ტიპის ვერტმფრენი იყო ჩართული.
სპეციალური ოპერაციების ძალების კომბინირებულ სწავლებას თავდაცვის ძალების მეთაურის მოადგილე - გენერალური შტაბის უფროსი, ბრიგადის გენერალი ჯონი ტატუნაშვილი, სპეციალური ოპერაციების ძალების მეთაური, პოლკოვნიკი თეიმურაზ ყლატეიშვილი და Agile Spirit 2021-ის ქართველი და ამერიკელი ხელმძღვანელები დაესწრნენ.
იმიტირებული სცენარის მიხედვით, მოწინააღმდეგეს დაკავებული ჰქონდა და გამაგრებული იყო დასახლებულ პუნქტში. კოალიციურ სპეციალურ ძალებს კი, მოწინააღმდეგის განეიტრალება და ოკუპირებული ობიექტის გათავისუფლება დაევალა. კომბინირებული ოპერაცია ამერიკული ოშკოშებით მოწინააღმდეგის მიერ დაკავებულ ობიექტზე შეტევით დაიწყო. ამერიკულ ჯავშანტრანსპორტიორებში განთავსებულმა პოლონელმა სამხედროებმა მოწინააღმდეგეს ცეცხლი გაუხსნეს და დაკავებულ ობიექტს მიუახლოვდნენ. პირობითი მოწინააღმდეგის განადგურების შემდეგ, ქართველი, რუმინელი და ბრიტანელი სამხედროებით დაკომპლექტებული სპეციალური ოპერაციების ძალები დასახლებული პუნქტის გაწმენდის მიზნით შევიდა, ხოლო პოლონელი სამხედროები გარე პერიმეტრის უსაფრთხოებას უზრუნველყოფდნენ. შეტევის პარალელურად, მაღალი ღირებულების სამიზნე კოალიციური ძალებისგან თავის დაღწევას შეეცადა, თუმცა მას ვერტმფრენიდან ქართველმა და რუმინელმა სამხედროებმა ცეცხლი გაუხსნეს და გაანეიტრალეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.