„მრავალეროვნული სწავლებებით ჩვენ ვაღრმავებთ თანამშრომლობას და ვზრდით ჩვენი თავდაცვის ძალების შესაძლებლობებს“, - ამის შესახებ საქართველოს თავდაცვის მინისტრმა ჯუანშერ ბურჭულაძემ მრავალეროვნული სამხედრო სწავლება Agile Spirit 2021-ის დახურვის ცერემონიალზე განაცხადა.
თავდაცვის მინისტრმა ყურადღება საქართველოსთვის საერთაშორისო სწავლებების მნიშვნელობაზე გაამახვილა. ჯუანშერ ბურჭულაძემ მსგავსი სწავლებების სტრატეგიულ მიზანზეც ისაუბრა და აღნიშნა, რომ მრავალეროვნული სამხედრო წვრთნები საქართველოს თავდაცვის ძალებს მთავარ სტრატეგიულ პარტნიორთან, აშშ-სთან თანამშრომლობის გაღრმავებასა და ნატოსთან თავსებადობის გაზრდაში ეხმარება. მინისტრის განცხადებით, მსგავსი სწავლების მაღალ დონეზე ჩატარებით ჩვენმა ქვეყანამ საერთო, დასავლური ღირებულებების მიმართ ერთგულება კიდევ ერთხელ დაადასტურა.
„მრავალეროვნული სწავლებებით ჩვენ ვაღრმავებთ თანამშრომლობას და ვზრდით ჩვენი თავდაცვის ძალების შესაძლებლობებს. ურთიერთთავსებადობის ამაღლებით კიდევ უფრო ვუახლოვდებით ნატოს სტანდარტებს და ჩვენი წვლილი შეგვაქვს რეგიონულ სტაბილურობასა და მშვიდობაში,“-განაცხადა ჯუანშერ ბურჭულაძემ. თავდაცვის მინისტრმა Agile Spirit 2021-ის გამორჩეულ მასშტაბსა და საიუბილეო სიმბოლურ მნიშვნელობასაც გაუსვა ხაზი. მინისტრის შეფასებით, უკანასკნელი 10 წლის განმავლობაში ქართველმა სამხედროებმა პარტნიორი ქვეყნების სამხედრო მოსამსახურეებთან ერთად, უპრეცედენტო წვრთნები განახორციელეს. თავდაცვის უწყების ხელმძღვანელმა ქართულ მხარესთან ერთად, წვრთნების წარმატებით ჩატარებისთვის მადლობა აშშ-ს არმიის ევროპული სარდლობის წარმომადგენლებს გადაუხადა.
მე-10 საიუბილეო სწავლება Agile Spirit 2021 საქართველოს თავდაცვის ძალების დასავლეთის სარდლობისა და ევროპასა და აფრიკაში აშშ-ის არმიის სარდლობის ორგანიზებით ჩატარდა. წვრთნებში ნატოს წევრი 12 და პარტნიორი 3 ქვეყნის სამხედრო მოსამსახურეები მონაწილეობდნენ. საერთაშორისო სწავლება ნატოს წევრი და პარტნიორი ქვეყნების ქვედანაყოფებს შორის ურთიერთთავსებადობის ამაღლებას, მრავალეროვნულ გარემოში ოპერაციების დაგეგმვისა და აღსრულების დროს ოპერატიული შესაძლებლობების დახვეწასა და გაძლიერებას, ასევე მრავალეროვნული მზადყოფნისა და უსაფრთხოების სფეროში თანამშრომლობის განვითარებას ისახავდა მიზნად.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.