პრემიერის თქმით, საქართველო მედიის თავისუფლების და მედია პლურალიზმის კუთხით რეგიონში ლიდერია.

ამის შესახებ ირაკლი ღარიბაშვილმა ესტონელ კოლეგასთან ერთად გამართულ პრესკონფერენციაზე განაცხადა.

რაც შეეხება „რუსთავი-2“-ის გარშემო მიმდინარე მოვლენებს, მისი თქმით, ეს არის დავა ორ კერძო სუბიექტს შორის და ამაში სახელმწიფო არ ერევა.

„მე პატივს ვცემ „რუსთავი-2“-ს. ჩემი აზრით, ამ ტელეარხის ჟურნალისტები ძალიან პროფესიონალები არიან. ეს არ არის დავა ტელეარხსა და მთავრობას შორის. მინდა მკაფიოდ ვთქვა, რომ ჩვენ არ დაგვიწყია გამოძიება არც რუსთავი-2“-თან, არც მის მფლობელებსა თუ ყოფილ მფლობელებთან დაკავშირებით. ეს არის სასამართლოს საქმე ორ ინდივიდუალურ მხარეს შორის. ერთი მისი ყოფილი, მეორე კი მოქმედი მფლობელია. პროცესი ღიაა და გამჭვირვალე. ჩვენ კი, როგორც სახელმწიფო, კანონის უზენაესობის დაცვის გარანტიას ვიძლევით“, - ამბობს პრემიერი.