სამცხე-ჯავახეთის სახელმწიფო რწმუნებულის მოადგილეებმა, შალვა ბერძენიშვილმა, დავით ლომიძემ, ახალციხის მუნიციპალიტეტის მერის პირველმა მოადგილემ, გურამი მელიქიძემ, სოფლის- მეურნეობის სამინისტროს სამცხე-ჯავახეთის სამმართველოს და ა(ა)იპ სამყაროს გამგეობის თავჯდომარემ ნანა ზუბაშვილმა, პროფესიული განათლების სისტემების მოდერნიზაციისა და საქართველოს სოფლის მეურნეობის სფეროში, 15-მდე სერვისის მომწოდებელს და კვების ობიექტების წარმომადგენლებს სერტიფიკატები გადასცეს.

პროექტს ახორციელებს ააიპ სამყარო/ EYW, გაეროს განვითარების პროგრამა საქართველოში (UNDP)-სა და შვეიცარიის თანამშრომლობის ოფისის სამხრეთ კავკასიაში (SDC)-ს მხარდაჭერით.

საცალო ვაჭრობის პუნქტებში ახორციელებენ სურსათის წარმოება-გადამუშავებას, ეკისრებათ ვალდებულება, საქმიანობა HACCP-ის პრინციპების შესაბამისად აწარმოონ. ასევე მიმდინარე წლის 1 იანვრიდან HACCP-ის სისტემის პრინციპების დაცვა სავალდებულოა ბიზნეს ოპერატორებისთვის, რომლებიც ახორციელებენ ცხოველური წარმოშობის სურსათის წარმოებას ან/და გადამუშავებას (ხორცი და ხორცის პროდუქტები, რძის ფხვნილზე დამზადებული სურსათი, თევზი და თევზის პროდუქტები, კვერცხი და კვერცხის პროდუქტები, თაფლი).

ასევე გაიხსნა ახალი ლაბორატორია, რომელიც იაპონიის საელჩომ დააფინანსა. ლაბორატორიაში განხორციელდება მიწის, წყლის, რძის, ყველის და ბოსტნეულის ანალიზები (ნიტრატები). სამცხე-ჯავახეთის რეგიონისთვის ლაბორატორიის არარსებობა დიდ პრობლემას წარმოადგენდა. ადგილობრივ ფერმერებს უწევდათ ანალიზებზე სხვა ლაბორატორიაში წასვლა, რაც დიდ ხარჯებთან იყო დაკავშირებული.

ინფორმაციას სამცხე-ჯავახეთის სამხარეო ადმინისტრაცია ავრცელებს.