„ბიძინა ივანიშვილი დღეს ძალიან ცუდ დღეშია“, - განაცხადა პარტია „საქართველოსთვის“ თავმჯდომარემ, გიორგი გახარიამ „ღამის კურიერში“ სტუმრობისას.

„ბიძინა ივანიშვილი დღეს ძალიან ცუდ დღეშია, უკიდურესად ცუდ დღეშია, იცით რატომ? იმიტომ, რომ 9 წელი გავიდა, 9 წელი გავიდა, უდიდესი იდეალებით, მიზნებით და ფასეულობებით მოსული ხელისუფლება, 9 წელი გავიდა, და დღეს სამწუხაროდ, ჩემდა საუბედუროდ, ჩემდა გულგასატეხად, ვართ ისევ იქ, რომ მიშა სააკაშვილი გვემუქრება ჩამოსვლით; ადამიანებს იარაღს უდებენ პოლიტიკური მოტივით და იჭერენ; ოჯახებს, დედასთან მიდიან და ეუბნებიან, რომ ახლა შენს შვილს დავიჭერთ...“- განაცხადა გახარიამ და დაამატა, რომ ივანიშვილს საქართველოს წინაშე უდიდესი ღვაწლი აქვს, თუმცა „ეს არ ნიშნავს სამუდამო ინდულგენციას ყველაფერზე“.

„ბიძინა ივანიშვილს უდიდესი ღვაწლი აქვს ამ ქვეყნის წინაშე და ბევრი კეთილი და კეთილთან ერთად სასარგებლო საქმე აქვს გაკეთებული, მაგრამ ეს არ ნიშნავს ინდულგენციას, ეს არ ნიშნავს სამუდამო ინდულგენციას ყველაფერზე. წერტილი, მეტს არაფერს გეტყვით ამაზე“, - აღნიშნა გიორგი გახარიამ.