"ოკუპირებული ტერიტორიების შესახებ" კანონში ცვლილებების ახალი რედაქცია პარლამენტს განსახილველად უახლოეს მომავალში წარედგინება.
ამის შესახებ შესახებ შერიგებისა და სამოქალაქო თანასწორობის საკითხებში სახელმწიფო მინისტრმა, პაატა ზაქარეიშვილმა საქართველო-ევროკავშირის ასოცირების კომიტეტის პირველი შეხვედრის მეორე სესიაზე გამოსვლისას განაცხადა.
"2013 წელს შეიქმნა ეს ინიციატივა, რომ უნდა მომხდარიყო ცვლილებების შეტანა კანონში "ოკუპირებული ტერიტორიების შესახებ". უნდა მომხდარიყო გარკვეული დეკრიმინალიზაცია და ჰუმანიზაცია, ვიანაიდან უცხო ქვეყნის მოქალაქეები - არა რუსეთის, არამედ თურქეთის, აზერბაიჯანის და ა.შ. - ამ კანონით სისხლის სამართლის დამნაშავეები ხდებოდნენ. მოგეხსენებათ, პირველი მოსმენის შემდეგ გაჩერდა ამაზე მუშაობა. მე ვთვლი, რომ საჭიროა ამ მიმართულებით უკან დაბრუნება და არამარტო ამ პოზიციის, არამედ სხვა პოზიციების გადახედვა. ჩვენ გვქონდა კონსულტაციების იუსტიციის სამინისტროსთან. პრემიერ-მინისტრთან არსებობს სამუშაო ჯგუფი, რომელიც კონლიფქტურ ტერიტორიებზე არსებული პრობლემების გადაჭრაზე მუშაობს და იქ გვაქვს მსჯელობა, თუ როგორ შეიძლება ეს კანონი დაიხვეწოს იმდენად, რომ ებრძოდეს ოკუპაციას და არ ზღუდავდეს ადამიანის უფლებებს. ამაზე მუშაობა მიდის და დარწმუნებული ვარ, ცოტა ხანში ახალი რედაქციით ჩვენ, ალბათ, პარლამენტის წინაშე წარვდგებით ამ კანონში ცვლილებების განხორციელების მიმართულებით", - განაცხადა პაატა ზაქარეიშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.