პარტია „საქართველოსთვის“ თავმჯდომარე, თბილისის მერობის კანდიდატი გიორგი გახარია მიიჩნევს, რომ ქვეყანაში რიგგარეშე საპარლამენტო არჩევნების ჩატარება აუცილებლად დადგება დღის წესრიგში, რადგან „მთავრობას არ აქვს საკმარისი რესურსი, მოქალაქეების ნდობა, რომ ღირსეულად უპასუხოს ქვეყნის წინაშე მდგარ რეალურ გამოწვევებს“.

„არც ერთხელ არ მითქვამს, რომ მუნიციპალური არჩევნების პროცენტებზე ან შედეგებზე იქნება დამოკიდებული რიგგარეშე არჩევნები. რიგგარეშე არჩევნები ჩატარდება იმიტომ, რომ მთავრობას არ აქვს საკმარისი რესურსი, მოქალაქეების ნდობა, რომ ღირსეულად უპასუხოს ქვეყნის წინაშე მდგარ რეალურ გამოწვევებს.

„რიგგარეშე არჩევნებთან დაკავშირებით გადაწყვეტილებას იღებს ქართველი ამომრჩეველი - საქართველოს მოქალაქე იღებს ამ გადაწყვეტილებას, მარტივია! არასოდეს, არც ერთხელ არ მითქვამს და არ დამიკავშირებია რიგგარეშე არჩევნების გარდაუვალობა მუნიციპალური არჩევნების შედეგებთან - პირიქით, მე ვამბობ რომ მუნიციპალური არჩევნების შედეგებს რიგგარეშე არჩევნების ჩატარება-არ ჩატარებასთან საერთოდ არანაირი ლოგიკური კავშირი არ აქვს. რიგგარეშე არჩევნები ჩატარდება მხოლოდ და მხოლოდ იმიტომ, რომ დღევანდელ მთავრობას არ აქვს საკმარისი რესურსი, ლეგიტიმაცია, - სამართლებრივი და საარჩევნო ლეგიტიმაცია კი არა - მოქალაქეების ნდობა, რომ ღირსეულად უპასუხოს ქვეყნის წინაშე მდგარ რეალურ გამოწვევებს.

„პანდემია იქნება ეს, ეკონომიკა თუ სხვა რეგიონალური გამოწვევები - ამას ვერ უპასუხებენ მარტივი მიზეზის გამო - იმიტომ, რომ ნდობა აქვთ დაკარგული! მარტივ მაგალითს გეტყვით - დღევანდელი მთავრობა ჩემდა სამწუხაროდ - ვერც ერთ დარგში ნორმალურ სტრუქტურულ რეფორმას ვერ ჩაატარებს, ან ამ რეფორმის ფასი იქნება ნული, იმიტომ, რომ ნდობის პრობლემაა. თორემ, მე არც ერთხელ არ მითქვამს, რომ მუნიციპალური არჩევნების პროცენტებზე ან შედეგებზე იქნება დამოკიდებული რიგგარეშე არჩევნები - არა!“ - განაცხადა გახარიამ.