„ნიკას ძალიან ახლოს ვიცნობდი. უმძიმესი ამბავი მოხდა“, - ამის შესახებ დედაქალაქის მერმა, კახა კალაძემ 22 წლის ნიკოლოზ კვარაცხელიას მკვლელობის ფაქტზე კომენტირებისას ისაუბრა.
ჟურნალისტების კითხვაზე, შინაგან საქმეთა სამინისტრო დროულად მოქმედებს თუ არა დამნაშავის დასაკავებლად, კახა კალაძე პასუხობს, რომ საგამოძიებო ორგანოები მაქსიმუმს გააკეთებენ, რათა დანაშაული მალე გაიხსნას.
„უმძიმესი ამბავია. ნიკას ძალიან ახლოს და კარგად ვიცნობდი. იყო ძალიან კარგი ახალგაზრდა, წარმატებული, განათლებული. ნამდვილად გულდასაწყვეტია, რაც მოხდა. მინდა მწუხარება გამოვხატო და მივუსამძიმრო მის ოჯახს, ახლობლებს, ნათესავებს, მეგობრებს.
რაც შეეხება გამოძიებას, რა თქმა უნდა, ძალიან მალე იქნება დაკავებული ის კონკრეტული პირი თუ პიროვნებები, ვინც ეს ჩაიდინა. შინაგან საქმეთა სამინისტრო ყოველთვის მოწოდების სიმაღლეზეა და მაქსიმუმი გაკეთდება იმისთვის, რომ რაც შეიძლება დროულად გაიხსნას ეს დანაშაული“, - განაცხადა თბილისის მერმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.