GUARDIAN.GE - დმანისის მუნიციპალიტეტის სოფელ განთიადში ოპოზიციის მხარდამჭერებზე შეირაღებული თავდასხმა იმ დროს მოხდა, როდესაც დმანისის მოქმედი მერი და მერობის კანდიდატი „ნაციონალური მოძრაობიდან“ გიორგი ტატუაშვილი და პარლამენტის წევრი კახაბერ ოქრიაშვილი ამომრჩეველთან წინასაარჩევნო შეხვედრის გამართვას გეგმავდნენ.

როგორც „ტვ პირველის“ პირდაპირ ეთერში დმანისის მუნიციპალიტეტიდან ჩართვისას კახაბერ ოქრიაშვილმა განაცხადა, ეს იყო დაგეგმილი, მიზანმიმართული თავდასხმა, რომლის მიზანიცაა აჩვენეონ, თუ რა ელის „ქართული ოცნების“ წინააღმდეგ წასულ მოქალაქეებს.

„თვითონ „ოცნების“ მაჟორიტარ კანდიდატს აქვს იარაღი უბეში. მისმა შვილმა დანით დაჭრა ორი ადამიანი - ერთი ჩემი ნათესავი და მეორე, მოქმედი მერის მამიდაშვილი. ჩვენ გვქონდა შეხვედრა დაგეგმილი და იმ შეხვედრაზე მივედით, სადაც დაგვხვდნენ განთიადელები. შეხვედრის დაწყებისთანავე, დაახლოებით 30 კაცი იყო წინსწრებით მობილიზებული. ეს იგივე ხალხია, რომლებიც შარშან ჩადიოდნენ დანაშაულს და შარშან სცემდნენ და დაჭრეს რამდენიმე ჩვენი აქტივისტი, იგივე ხალხია, აბსოლუტურად - ზურაბ ოყმელაშვილის თაოსნობით ხდება ეს ყველაფერი, მას აქვს იმუნიტეტი სუსიდან და სამართალდამცავი სტრუქტურებიდან, რომ ეს ყველაფერი აკეთოს დმანისის რაიონში, რათა მთელმა საქართველომ დაინახოს, რომ აი, რა ელოდება მათ ვინც „ქართული ოცნების“ წინააღმდეგ წავა. ეს არ არის სპონტანური, ეს არის დაგეგმილი, რომ შიშის ატმოსფერო იყოს წინასაარჩევნოდ. ჩვენ არ გვეშინია და იმედია, რომ ზუგდიდიდან დაწყებული, დამთავრებული ლაგოდეხამდე ყველა ხედავს, რომ ეს მთავრობა არის სისხლიანი. ის სისხლიანი ბანერები რომ გამოკიდეს, ის ბანერებია, და ესენი რეალურ ცხოვრებაში არიან სისხლიანები“, განაცხადა კახაბერ ოქრიაშვილმა.

„დმანისში ზონდერები მიუვარდნენ ჩვენს კანდიდატს და დაჭრეს მისი 2 მხარდამჭერი ირაკლი კობახიძე / Irakli KobakhidzeKakha Kaladze კახა კალაძეIrakli Garibashvili სიცოცხლის ფასადაც რომ დამიჯდეს - არ შეგარჩენთ“, - ასე გამოეხმაურა „ფეისბუქზე“ „ნაციონალური მოძრაობის“ თავმჯდომარე და თბილისის მერობის კანდიდატი ნიკანორ მელია მომხდარ ფაქტს.