ნიკა გვარამიას თქმით, თუ ძმები ყარამანაშვილები და „რუსთავი-2“-ის დროებითი მმართველები საბოლოო განაჩენამდე „რუსთავი-2“-ის გენერალური დირექტორის კანდიდატურაზე შეთანხმდებიან, ის ამ პოსტისთვის ყველაზე შესაფერისად ზაალ უდუმაშვილს მიიჩნევს.
ამის შესახებ გვარამიამ გადაცემა „არჩევანში“ განაცხადა.
„ამ საკითხზე კომუნიკაცია დამფუძვნებლებთან არ მქონია. ალბათ, საკუთარ პოზიციას ხვალ გაავრცელებენ. რჩევაც გამიჭრდება, რადგან დაინტერესებული პირი ვარ. ერთადერთი რაც შემიძლია ვურჩიო არის ის, რომ ჩემი პერსონის გამო თავი არ უნდა შეიკაონ. პირიქით, მიმაჩნია, რომ ჩემი წარდგენა შესაძლებელი რომც იყოს, ეს ამ ვითარებაში არასწორი იქნებოდა. ჩემზე გადის წინააღმდეგობის ხაზი. გაცილებით უფრო მნიშვნელოვანი სიკეთეა, რომ კომპანია გადარჩეს. მე განმიხილავენ თუ არა მეორეხარისხოვანია. სჯობს შუალედური პირი იყოს, მაგალითად ზალიკო, რომელიც ყველასთვის მისაღები პირი და არხის მთავარი სახეა“, - აღნიშნა გვარამიამ.
შეგახსნებთ, რომ "რუსთავი-2"-ის დროებითი მმართველები დავით დვალი და რევაზ საყევარიშვილი მიმართეს ძმებ ყარამანაშვილებს, რომ ტელეკომპანიის გენერალური დირექტორის და ფინანსური დირექტორის თანამდებობაზე საკუთარი კანდიდატურა წარადგინონ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.