მე და ზურა რთველიაშვილი ამ ორი წლის ტელეკომპანია 'პირველში' მიგვიწვიეს რომ აზრი დაგვეფიქსირებინა, სადაც ჩვენ მტკიცედ ვთქვით, რომ ისევე როგორც აფხაზეთი და სამაჩაბლო, დავით გარეჯის მონასტერიც ოკუპირებულია. დღეს, ეს ნათლად დასტურდება უკვე, როდესაც აზერბაიჯანი რუსთთან და თურქეთთან ერთად გვთავაზობს 3+3 ფორმატში შესვლას და დასავლეთის ფაქტობრივად გაგდებას რეგიონიდან. ამას ჩვენ მაშინაც ვამბობდით.

ამავე დროს ბატონ ნიორაძეს და ძვირფას გია ბუღაძეს მინდა პირდაპირ ვუთხრა, რომ სიტყვა 'ყიზილბაშის' ხმარება არანაირად არ არის ქსენოფობია. ამ სიტყვას ხმარობდა ივანე ჯავახიშვილიც, სიმონ ჯანაშიაც და ბევრი სხვა ღვაწლმოსილი ქართველი ისტორიკოსიც. განა ვაჟა-ფშაველა ქსენოფობი იყო, როდესაც მან 'ბახტრიონი' დაწერა? მაშინაც ხომ ბევრი ეროვნებით აზერბაიჯანელი ცხოვრობდა საქართველოში და არც ამ გენიალური პოემის გამოცემის შემდეგ დამუქრებიათ მათ დიდი საფრთხე. ქართველი ხალხი ისტორიის დიდი ნაწილის განმავლობაში იბრძოდა ყიზილბაში დამპყრობლების წინააღმდეგ - და ეს არანაირად არ იყო ქსენოფობია - ეს იყო სამშობლოს სიყვარული და პატრიოტიზმი. არც ივანე ჯავახიშვილი იყო ქსენოფობი, არც ექვთიმე თაყაიშვილი, არც პავლე ინგოროყვა, არც ჯანაშია და არც ერთი სხვა ისტორიკოსი, რომელიც უბრალოდ მოვლენებს აღწერდა.

თუ გნებავთ რომ ეს მსჯელობა დღევანდელ კონტექსტში გადმოვიყვანოთ - დააკვირდით კარგად მოვლენებს - ერდოღანმა, პუტინმა და ალიევმა შემოგვთავაზეს ფორმულა 3+3 - რომელიც მთლიანად ანტი-დასავლურია. და ახლა გულზე მჯიღის დარტყმა და იმის ძახილი რომ აზერბაიჯანი ჩვენი ძმაა და რუსეთის მოწინააღმდეგე - არის უკვე აშკარა სიცრუე. ყარაბაღის ომმა საბოლოოდ დაგვანახვა, რომ აზერბაიჯანი მჭიდრო ალიანსშია პუტინის რუსეთთანაც და ერდოღანის თურქეთთანაც. სომხეთს და ჩვენ არაფერი გვკითხეს - შესაძლოა ირანსაც. ასე აპირებენ დასავლეთის განდევნას რეგიონიდან. და ამის მერე ვინმეს მოუტრიალდება ენა რომ თქვას, რომ სიტყვა ყიზილბაშის ხმარება ქსენოფობიაა????

ფაქტი, რომ სააკაშვილმა მიჰყიდა აზერბაიჯანს დავით გარეჯი 2007 წელს, მას შემდეგ რაც ორჯონიკიძემ გაყიდა კიდევ სხვა ქართული მიწებიც - და მას ამაზე პასუხისგებაში არ აძლევენ და აქ კიდევ ცდილობენ მის შიმშილობაზე აპელირებას - ესეც სირცხვილია. ქართველი სახელმწიფოს ნამდვილად პატრიოტი პრეზიდენტი იყო ზვიად გამსახურდია, რომელიც ქართულ მიწებს არ ყიდდა და არც ქსენოფობი იყო. ხოლო ის ხალხი, ვისაც გარეჯი ფეხზე ჰკიდია და მის გაყიდვას არაფრად აგდებს - ქართველოფობია. ღმერთმა შეგარგოთ 3+3 ფორმატი. მე პირადად არ ვაპირებ ამას შევეგუო.

ირაკლი კაკაბაძე,

მწერალი

წყარო: Facebook-ი