აბანოში გამოჩნდება

14 ოქტომბერი მართლა რეფერენდუმის დღეა.

"ნაციონალური მოძრაობა" ბოლო კოზირს ჩამოვიდა. ბელადი ციხეშია. მისი არამარტო პოლიტიკური, არამედ ფიზიკური არსებობაც საფრთხეშია.

ეს ის ვითარებაა, როდესაც სააკაშვილის მომხრეთა სრული მობილიზება უნდა მოხდეს, რადგან 14 ოქტომბრის მარცხი სააკაშვილისა და "ნაციონალური მოძრაობის" საბოლოოდ წაშლა იქნება. 30 პროცენტიანმა პარტიამ ყოფნა-არყოფნის მიჯნაზე მისი ელექტორატის ნახევარი თუ არა, მესამედი მაინც ხომ უნდა გამოიყვანოს ქუჩაში? ოფიციალური მონაცემებით, საქართველოში სამმილიონ ნახევარზე მეტი ამომრჩეველია. ე.ი. 14 ოქტომბერს სააკაშვილის მხარდასაჭერად ქუჩაში მილიონზე მეტი ადამიანი უნდა გამოვიდეს. ეს რიცხვი ორჯერ რომ შევამციროთ, ნახევარი მილიონია, ოთხჯერაც რომ შევამციროთ, 250 ათასია. კიდევ რომ შევაციროთ და ბევრჯერაც რომ შევამციროთ, 14 ოქტომბერს რუსთაველზე და თავისუფლების მოედანზე ხალხის ტევა არ უნდა იყოს - ასი ათასობით ადამიანი უნდა გამოვიდეს. ეს თუ ასე მოხდა, გამოდის, რომ დამნაშავეთა ამ ხროვას მართლაც დიდი მხარდაჭერა ჰქონია და ამ საქართველოში ცხოვრება არც ღირს, მაგრამ თუ ისე მოხდა, რომ 14 ოქტომბერს 5 ან თუნდაც 10 ათასი ადამიანი ვიხილეთ ქუჩაში, ეს იმისი პირდაპირი დადასტურება იქნება, რომ სააკაშვილს არც მხარდაჭერა აქვს და არც მისი 30 პროცენტი რეალური არ არის. მას ამ პროცენტებს გაყალბებით მიაწერენ.

იმიტომაც არის ეს დღე რეფერენდუმი, რომ მთელმა საქართველომ გაარკვიოს - საქართველოში მკვლელებს და ფაშისტებს 30 პროცენტიანი მხარდაჭერა აქვთ თუ 0, 3 პროცენტიანი მხარდაჭერა.

ხომ გახსოვთ განათქვამი, - აბანოში გამოჩნდება.

აჰა, ეს დღეც დგება!

ვალერი კვარაცხელია

ჟურნალისტი

წყარო: Facebook-ი