„ახლა არა დღეებზე არის საუბარი, არამედ არის საუბარი საათებზე და შეიძლება წუთებზეც, რადგან როდის შეიცვლება და დამძიმდება მიხეილ სააკაშვილის მდგომარეობა, კაცმა არ იცის და შეიძლება ძალიან დაგვიანებული იყოს მერე ექიმების ჩარევაც“, - განაცხადა „ერთიანი ნაციონალური მოძრაობის“ დეპუტატმა, ზაალ უდუმაშვილმა.

მისი თქმით, ექიმების კონსილიუმის დასკვნაში პირდაპირ არის მითითებული, რომ მიხეილ სააკაშვილს მრავალპროფილურ დაწესებულებაში მკურნალობა სჭირდება.

„ეს არის ხელისუფლების მხრიდან პირდაპირ გამოცხადებული სიკვდილის ქრონიკა. იმიტომ, რომ თავისი იმ უგუნური, უგუნური პოლიტიკით, რომელსაც ის ახორციელებს დღეს საქართველოს მესამე პრეზიდენტის მიმართ, შეიძლება მივიღოთ უმძიმესი და სავალალო შედეგი, იმიტომ, რომ ახლა არა დღეებზე არის საუბარი, არამედ არის საუბარი საათებზე და შეიძლება წუთებზეც, რადგან როდის შეიცვლება და დამძიმდება მიხეილ სააკაშვილის მდგომარეობა, კაცმა არ იცის და შეიძლება ძალიან დაგვიანებული იყოს მერე ექიმების ჩარევაც. არადა, კონსილიუმის დასკვნაში პირდაპირ არის მითითებული, რომ მიხეილ სააკაშვილს სჭირდება მრავალპროფილურ დაწესებულებაში მკურნალობა“, - განაცხადა ზაალ უდუმაშვილმა.