„ერთიანი ნაციონალური მოძრაობის“ თავმჯდომარე, თბილისის მერობის კანდიდატი ნიკა მელია მიიჩნევს, რომ 27 ოქტომბრის აქცია მომაკვდინებელი პოლიტიკური აქცია იქნება „ქართული ოცნებისთვის“.

„ერთ-ერთი მიზეზი რატომაც უნდა დამარცხდეს „ქართული ოცნება“ ამ არჩევნებში და დამარცხდება, არის ის, რასაც კადრულობს ასობით საჯარო მოხელის მიმართ, რომელთაც აძალებენ საკუთარი ოჯახის წევრების ძალდატანებით აქციაზე გამოყვანას. ეს ფილმი, ეს კინო ჩვენ ნანახი გვაქვს, გავიხსენებდი თუნდაც 2012 წლის დინამოს სტადიონზე დიდ შეკრებას, სადაც ანალოგიური სისულელე გააკეთა წინა ხელისუფლებამ და დიდმა ნაწილმა, მე დარწმუნებული ვარ, მაშინდელმა საჯარო მოხელეების, რომელიც იძულებული გახდა ყოფილიყო დინამოს სტადიონზე, ხმა მისცა მაშინდელ „ქართულ ოცნებას“. „ქართული ოცნება“ იმიტომ არის უპრეცედენტოდ უბირი პოლიტიკური ძალა, რომ არ ითვალისწინებს წინამორბედების შეცდომებს, არათუ არ ითვალისწინებს, არამედ აღრმავებს. 27 ოქტომბრის აქცია იქნება მომაკვდინებელი პოლიტიკური აქცია ქართული ოცნებისთვის“, - უთხრა „ტვ პირველს“ მელიამ.