თბილისის მერი, დავით ნარმანია დედაქალაქის ბიუჯეტთან დაკავშირებით ოპოზიციის რეკომენდაციებს გამოეხმაურა და განაცხადა, რომ მისმა ოპონენტებმა ბიუჯეტის პარამეტრები არ იციან, შესაბამისად მათ რეკომენდაციებს ვერ გაითვალსწინებს.
"ოპოზიციამ რა იცის ბიუჯეტის პარამეტრები რა არის და საერთოდ, რა იცის ოპოზიციამ ბიუჯეტი რა არის? ბიუჯეტის მუხლებს შორის სად, რა, როგორ უნდა გადაიტანო და გადმოიტანო არ იციან. ოპოზიციის რეკომენდაციები ვინ რაში უნდა გაითვალისწინოს? თავის თავს მიხედონ. მათი გადასაწყვეტი არ არის ვის, სად, რა და როგორ ექნება. არ არის ჩემთვის საინტერესო რას ამბობს ოპოზიცია, მოქალაქეებისთვის თუ რამე იქნება საინტერესო, მოქალაქეებს გავცემ პასუხს", - აღნიშნა დავით ნარმანიამ.
თბილისის ბიუჯეტის შესახებ ჟურნალისტებთან კომენტარი გააკეთა დედაქალაქის საკრებულოს თავმჯდომარემ, გიორგი ალიბეგაშვილმა და განაცხადა, რომ ბიუჯეტთან დაკავშირებით წინასწარი შეკრება ე.წ. მუნიციპალურ საბჭოს უკვე ჰქონდა და გარკვეული შეთანხმებები საფინანსო ორგანიზაციასთან მიღწეულია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.