2007 წლის 7 ნოემბრის შემდეგ, ბიძინა ივანიშვილმა მერაბიშვილს დაურეკა... ბედნიერი იყო, ხარობდა და აგინებდა უკანასკნელი სიტყვებით ბადრი პატარკაციშვილს, - ამის შესახებ „ნაციონალური მოძრაობის“ ფოთის მერობის ყოფილმა კანდიდატმა გიგი უგულავამ „ტვ პირველის“ გადაცემა „რეაქციაში“ განაცხადა.

უგულავას თქმით, ივანიშვილმა „გადაწყვიტა ხელში ჩაგდება ქვეყნის, ამის კურთხევა ჰქონდა პუტინისგან, წამოიღო დიდი ფული იქიდან“.

„2007 წლის 7 ნოემბრის შემდეგ, ბიძინა ივანიშვილმა მერაბიშვილს დაურეკა... ბედნიერი იყო, ხარობდა და აგინებდა უკანასკნელი სიტყვებით ბადრი პატარკაციშვილს, რაზე მელაპარაკებით? ამ ადამიანს საერთოდ არ ადარდებს არაფერი. ეს ადამიანი, როგორ გგონიათ, რომ ამას რამე ადარდებს?! არაფერი მათ შორის არ გადაკვეთილა, არაფერი გადაკვეთილა, გარდა იმისა, რომ მან გადაწყვიტა ხელში ჩაგდება ქვეყნის, ამის კურთხევა ჰქონდა პუტინისგან, წამოიღო დიდი ფული იქიდან, იმიტომ, რომ „გაქეშება“ (განაღდება) რუსეთში არ არსებობს ხელისუფლებასთან შეთანხმების გარეშე, ეგ ზღაპრები არავინ არ დაიჯეროს, დიდი ფულის „გაქეშება“, ანუ იქაური აქტივების გაყიდვა - ეს არ არის თავისუფალი ქვეყანა, რომ რასაც გინდა იყიდი და გაყიდი - ხდება მხოლოდ ხელისუფლებასთან შეთანხმებით. აი, ამ დიდი ფულის „გაქეშების“ შემდეგ, იწყებს ეს კაცი აქტიურობას. კი, რა თქმა უნდა კულტივაცია ხდებოდა მთელი ამ 10 წლის განმავლობაში, რომ ფილანტროპია, ის არის, ასეთი კაცია, ისეთი კაცია, ასეთია და ისეთია, ეს ყველაფერი ასე იყო. კი, ბატონო, ბევრი ფული ჰქონდა და ამ ინტელიგენციასაც ინახავდა და ნერუს სიტყვებს გავიხსენებ - ‘არაფერია იმაზე სახიფათო ქვეყნისთვის, რომელსაც დამოუკიდებლობა და თავისუფლება უნდა, ვიდრე კოლონიზატორების მიერ აღზრდილი შენი ინტელიგენცია’“ - განაცხადა გიგი უგულავამ.